شیعہ نیوز: وقت حاضر میں انسانیت خصوصا امت مسلمہ کی عظیم ترین شخصیت رہبر معظم آیت اللہ سید علی خامنہ ای اپنے خانوادہ سمیت شہادت کے عظیم مرتبے تک پہنچے۔
امریکہ اور اسرائیل کے ایران پر حملوں میں ایران کے سپریم لیڈر آیت اللّٰہ علی خامنہ ای شہید ہوگئے، ایران کے سرکاری میڈیا نے آیت اللّٰہ کی شہادت کی تصدیق کرتے ہوئے کہا ہے کہ ایران بھر میں 7 روزہ تعطیل اور 40 روز کے سوگ کا اعلان کیا گیا ہے۔
ایران کی سرکاری میڈیا کا کہنا ہے کہ امریکہ اور اسرائیل کے ان حملوں میں ایران کے سپریم لیڈر کی بیٹی، داماد اور نواسی بھی شہید ہوئے ہیں۔
یہ بھی پڑھیں : آیت اللہ خاتمی: ایران کا اسلامی نظام یورینیئم کی افزودگی ہرگز معطل نہیں کرے گا
پروردگار کا لطف و کرم ہے جس نے اس ظلم و جور اور انسانیت کی پستی کے دور میں ہمیں ایسی عظیم ہستیوں کی معرفت عطا کی جنھوں نے اسلام کی اعلی صفات کو اس کی روح کے مطابق قائم رکھا۔ جہاں دنیا چاہے مسلم ہو یا غیر مسلم کے لئے یہ سوچ ہی نا ممکن ہے کہ وقت کے فرعون و نمرود کے سامنے کھڑا ہوا جا سکے آپ نے پوری ملت کو قیادت کے ساتھ قیام کرنا سکھایا۔
یقینا آج کے دور میں اگر انقلاب اسلامی ایران، رہبر معظم آیت اللہ سید علی خامنہ ای کی شخصیت نا ہوتی تو آج کی نسل کو صحیح اسلام کی جھلک دیکھنا نا ممکن تھا۔
شہادت اختتام نہیں بلکہ آغاز ہے ایک نئی تحریک کا، انشاءاللہ اس خون کی تاثیر سے اس وقت کے فرعون و نمرود کے سر نگوں ہونگے اور انسانیت کی فتح ہوگی۔
The post امت مسلمہ کی عظیم ترین شخصیت رہبر معظم آیت اللہ سید علی خامنہ ای اپنے دفتر میں شہید appeared first on شیعہ نیوز پاکستان.
