شیعہ نیوز: امریکی اخبار نے کہا ہے کہ ایران نے امریکہ اور اسرائیل کی دفاعی کمزوریوں کو بخوبی جان لیا ہے۔
رپورٹ کے مطابق ایران پر امریکہ اور صہیونی حکومت کی جارحیت کے بعد پورے مشرق وسطی میں امریکہ اور صہیونی حکومت کی دفاعی اور اقتصادی تنصیبات پر جوابی حملے جاری ہیں۔
خلیج فارس کے کنارے واقع عرب ممالک میں امریکی فوجی اڈوں پر میزائلوں اور ڈرون طیاروں کی بارش کی جارہی ہے۔
یہ بھی پڑھیں : اربيل میں امریکی قونصل خانے کی عمارت مکمل تباہ
امریکی اخبار نیویارک نے اس حوالے سے اپنی رپورٹ میں کہا ہے کہ ایران نے مغربی ایشیا میں کم از کم 6 امریکی دفاعی تنصیبات پر بمباری کی ہے۔
رپورٹ کے مطابق، ایران نے امریکہ اور صہیونی حکومت کے ان دفاعی اور جاسوسی مراکز کا کھوج لگایا ہے جو رہائشی علاقوں میں مخفی تھے۔ ان مراکز پر میزائلوں کی بارش کی جارہی ہے۔
اخبار نے کہا ہے کہ ایران نے امریکہ اور اسرائیل کی دفاعی کمزوریوں کو جان لیا ہے۔ ایران کے میزائل حملوں کے نتیجے میں یہ تنصیبات مکمل تباہ ہوگئی ہیں یا شدید نقصان پہنچا ہے۔
The post ایران نے امریکہ اور اسرائیل کی دکھتی رگ پر ہاتھ رکھ دیا، نیویارک ٹائمز appeared first on شیعہ نیوز پاکستان.
