شیعہ نیوز: غزہ کی پٹی میں مسلسل 145 ویں روز بھی سیز فائر کی خلاف ورزیوں کا سلسلہ جاری رکھتے ہوئے قابض اسرائیلی فوج نے جمعرات کو فائرنگ کر کے ایک معذور فلسطینی نوجوان کو شہید کر دیا ہے۔
رپورٹ کے مطابق 20 سالہ نوجوان عبدالرحمن ولید محمد شراب جو ذہنی معذوری کا شکار تھا، رفح میں العلم چوک کے قریب قابض اسرائیل کی فورسز کی جانب سے داغی گئی 3 گولیوں کا نشانہ بن کرجام شہادت نوش کر گیا۔
غزہ کےسمندر میں بھی قابض دشمن کی سفاکیت جاری رہی جہاں اسرائیلی بحریہ نے فائرنگ کر کے 28 سالہ ماہی گیر مصطفیٰ علی فخری بکر کو شدید زخمی کر دیا۔
یہ بھی پڑھیں : ایران پر قابض اسرائیل اور امریکہ کی مشترکہ جارحیت چھٹے روز میں داخل، حملوں میں تیزی
آج علی الصبح قابض اسرائیل کی جنگی گاڑیوں نے خان یونس کے مشرقی علاقوں میں شدید فائرنگ کی جبکہ اسی دوران اسرائیلی طیاروں نے غزہ شہر پر فضائی غارت گری کی۔
واضح رہے کہ گذشتہ 10 اکتوبر سے قابض اسرائیلی افواج غزہ کی پٹی کے مختلف علاقوں میں فضائی و توپ خانے کی بمباری اور فائرنگ کے ذریعے جنگ بندی کے معاہدے کی مسلسل خلاف ورزی کر رہی ہیں۔
قابض اسرائیل کی ان خلاف ورزیوں سے متعلق روزانہ کی شماریاتی رپورٹ کے مطابق اس جارحیت میں اب تک کل شہدا کی تعداد 665 ہو چکی ہے جن میں 199 بچے، 85 خواتین اور 23 معمر افراد شامل ہیں۔ یہ اعداد و شمار بتاتے ہیں کہ کل شہدا کا 46.4 فیصد حصہ صرف بچوں، خواتین اور بزرگوں پر مشتمل ہے جو غاصب دشمن کی جانب سے فلسطینیوں کی نسل کشی کا واضح ثبوت ہے۔
رپورٹ کے مطابق زخمیوں کی تعداد 1700 تک پہنچ گئی ہے جن میں 518 بچے، 342 خواتین اور 90 بزرگ شامل ہیں۔ سب سے زیادہ کمزور طبقے سے تعلق رکھنے والے ان زخمیوں کی شرح 55.8 فیصد ہے جو اس بات کا بین ثبوت ہے کہ قابض دشمن کی عسکری کارروائیوں کا اصل ہدف نہتے شہری ہیں۔
The post غزہ :خان یونس میں قابض اسرائیل کی فائرنگ سے فلسطینی نوجوان شہید appeared first on شیعہ نیوز پاکستان.
