شیعہ نیوز: شہر قائد میں تعینات اسلامی جمہوری ایران کے قونصل جنرل اکبر عیسیٰ زادہ نے کہا ہے کہ ایران کو ملکی دفاع کا قانونی اور سفارتی طور پر مکمل دفاع کا اختیار ہے، ایک طرف امریکا دوست ممالک کے ذریعے مذاکرات کا ڈھونگ رچاتا رہا اور دوسری جانب خطے میں بحری بیڑہ تعینات کر دیا، ہمیں خوشی ہے کہ پاکستان ہمارے مؤقف کی تائید کرتا ہے اور جارحیت کی مذمت کر رہا ہے، ان خیالات کا اظہار انہوں نے ایرانی قونصل خانے میں رہبر معظم انقلاب آیت اللہ سید علی خامنہ ای اور انکے ساتھیوں کی شہادت پر تعزیت کیلئے آئے ہوئے مختلف وفود و میڈیا کے نمائندوں سے گفتگو کرتے ہوئے کیا۔ ایرانی قونصل جنرل اکبر عیسیٰ زادہ نے کہا کہ امریکا اور اسرائیل نے بین الاقوامی قوانین کو نظر انداز کرتے ہوئے یکطرفہ ایران پر حملہ کیا اور اس جارحیت سے دیگر کے علاوہ 168 معصوم بچے شہید ہوئے۔ ایرانی قونصلی جنرل اکبر عیسیٰ زادہ نے ایک سوال پر کہا کہ یہ دوسری مرتبہ ہوا ہے کہ ایران پر شب خون مارتے ہوئے حملہ کیا گیا، ایران اس وقت تک جنگ جاری رکھے گا، جب تک مقاصد حاصل نہیں ہوتے۔
ایرانی قونصلی جنرک اکبر عیسیٰ زادہ نے کہا کہ ایران جہاں جہاں بھی امریکا اور اسرائیل کے اثاثے موجود ہیں، ان کو نشانہ بنانا اپنا حق سمجھتا ہے۔ انہوں نے کہا کہ امریکا اور اسرائیل نے نہتے سیویلن معصوم لوگوں کو بھی نشانہ بنایا ہے، امریکا اور اسرائیل کی جارحیت پر اقوام متحدہ نے خاموشی اختیار کی ہوئی ہے اور مسلم ممالک بھی ذمہ داری کا مظاہرہ نہیں کر رہے ہیں، دشمن کی یہ سازش ہے کہ مسلم امت کو تقسیم کرے، لیکن مسلمان ممالک کو اتحاد اور ایجھتی کا مظاہرہ کرنا چاہئے۔ انہوں نے ایک سوال پر کہا کہ جنگ کو 8 روز ہو چکے ہیں، امریکا اور اسرائیل نے میڈیا پر قبضہ کیا ہوا ہے اور ڈونلڈ ٹرمپ یہ منفی پروپیگنڈا کرتا ہے کہ اس نے ایران کو ختم کر دیا، لیکن ایران میں لوگوں کے حوصلے بلند ہیں اور معمول کے مطابق روزمرہ کی سرگرمیاں جاری ہیں۔
اکبر عیسیٰ زادہ نے کہا کہ یہ بدقسمتی کی بات ہے کہ مسلم ممالک متحد نہیں ہیں، اس وقت اتحاد کی اشد ضرورت ہے۔ ایرانی قونصل جنرل اکبر عیسیٰ زادہ نے پاکستان کی تعریف کرتے ہوئے کہا کہ ہمیں اس بات خوشی ہے کہ پاکستان ہمارے مؤقف کی تائید کرتا ہے اور جارحیت کی مذمت کر رہا ہے، پاکستان میں جو علماء سمیت دیگر شعبوں سے تعلق رکھنے والے افراد ایران کے حق میں بات کر رہے ہیں، ہم ان کے شکر گزار ہیں اور جو ریلیاں نکالی جا رہی ہے اس سے ہمارے حوصلے بلند ہو رہے ہیں۔ انہوں نے کہا کہ جنگ کب تک جاری رہے گی اس بات کا کچھ نہیں کہا جا سکتا، لیکن جارحیت کا منہ توڑ جواب دینا ہمارا حق ہے۔
The post آپ کی ریلیوں سے ہمارے حوصلے بلند ہوتے ہیں، ایرانی قونصل جنرل کا پاکستانیوں کو خراج تحسین appeared first on شیعہ نیوز پاکستان.
