شیعہ نیوز: صوبہ ہرمزگان کے ڈھائی ہزار سے زائد علماء اور دینی طلاب نے رہبر معظم آیت اللہ سید مجتبی خامنہ ای کی بیعت کرتے ہوئے ان کی قیادت پر اعتماد کا اظہار کیا۔
رپورٹ کے مطابق صوبہ ہرمزگان سے تعلق رکھنے والے اہلِ سنت علماء اور دینی طلباء کی بڑی تعداد نے رہبر انقلاب آیتالله سید مجتبی حسینی خامنہای کی بیعت کرتے ہوئے ان کی حمایت میں مشترکہ بیان جاری کیا ہے۔
صوبے کے 2520 اہلِ سنت علماء، طلباء اور مذہبی شخصیات کے دستخط کے ساتھ جاری ہونے والے بیان میں آیتالله سید مجتبی حسینی خامنہای کو شہید آیتالله العظمی سید علی حسینی خامنہای کا جانشین منتخب کرنے پر ایرانی عوام اور عالمِ اسلام کو مبارکباد پیش کی گئی ہے۔
یہ بھی پڑھیں : دشمن کے حملوں میں تباہ ہونے والے گھروں کی تعمیر نو کی مکمل ذمہ داری لیں گے، میئر تہران
بیان میں کہا گیا کہ مجلس خبرگانِ رہبری نے گہرے غور و فکر اور بصیرت کے ساتھ اسلامی جمہوریہ ایران کی قیادت کے لیے موزوں ترین شخصیت کا انتخاب کیا ہے۔ اسی بنیاد پر ہرمزگان کے اہلِ سنت علما اور طلباء نے نئے رہبرِ انقلاب کے ہاتھ پر اپنی بیعت اور وفاداری کا اعلان کیا۔
بیان میں مزید کہا گیا کہ اہلِ سنت برادری انقلابِ اسلامی کے راستے، قومی خودمختاری کے تحفظ اور دینی و قومی اقدار کے دفاع میں متحد اور ثابت قدم رہے گی۔
بیان کے اختتام پر کہا گیا کہ ہرمزگان کے اہلِ سنت علما اور طلباء آیتالله سید مجتبی حسینی خامنہای کی قیادت کی مکمل حمایت کرتے ہیں اور عہد کرتے ہیں کہ انقلاب کے رہنماؤں کی ہدایات اور نئے رہبر انقلاب کے فرامین کی آخری سانس تک اطاعت اور پیروی کریں گے۔
The post ہرمزگان: 2520 اہل سنت علماء اور طلباء کا آیت الله سید مجتبی خامنہای کی قیادت کا اظہار اعتماد appeared first on شیعہ نیوز پاکستان.
