شیعہ نیوز: امریکی تجزیہ کار اور یونیورسٹی آف شکاگو میں پولیٹیکل سائنس کے پروفیسر رابرٹ پاپ نے کہا ہے کہ حالیہ جنگ کے باوجود ایران پہلے سے زیادہ طاقتور ہو کر ابھرا ہے۔
رپورٹ کے مطابق ایران ناصرف عسکری طور پر مزاحمت برقرار رکھنے میں کامیاب رہا بلکہ اس نے عالمی سطح پر تیل کی قیمتوں پر بھی اثر و رسوخ حاصل کر لیا ہے۔
انہوں نے کہا کہ ایران کی حکمتِ عملی نے توانائی کی عالمی منڈی کو ہلا کر رکھ دیا ہے۔
یہ بھی پڑھیں : امریکی طیارہ بردار جہاز پر آگ بجھانے میں 30 گھنٹوں سے زیادہ وقت لگا
انہوں نے آبنائے ہرمز سے گزرنے والے بحری جہازوں کی تعداد کا گراف شیئر کرتے ہوئے بتایا کہ ایرانی اقدامات کے باعث اس اہم سمندری راستے پر ٹریفک متاثر ہوئی، جس کا براہِ راست اثر عالمی تیل سپلائی پر پڑا۔
ان کے مطابق اس صورتِ حال نے ناصرف عالمی منڈیوں میں بے یقینی پیدا کی بلکہ امریکہ کے اتحادی اتحاد کو بھی کمزور کرنے کا خطرہ بڑھا دیا ہے۔
رابرٹ پاپ نے مزید کہا کہ صرف 17 دنوں کے اندر ایران نے غیر معمولی اسٹریٹجک فوائد حاصل کیے ہیں، جس سے خطے میں طاقت کا توازن تبدیل ہوتا دکھائی دے رہا ہے۔
The post ایران جنگ کے بعد مزید مضبوط ہو گیا: امریکی تجزیہ کار appeared first on شیعہ نیوز پاکستان.
