شیعہ نیوز: سربراہ امت واحدہ پاکستان کا کہنا تھا کہ وقتی مفادات کے لیے اصولوں پر سمجھوتہ نہیں کرنا چاہیے، قیادت کا اصل مقصد قوم کی اجتماعی آواز بننا ہے، اُمت کو امتیازی تقسیم سے نکل کر ایک وحدت بننا ہوگا، آنے والا وقت کربلا کی طرح قربانی کا تقاضا کرتا ہے۔
رپورٹ کے مطابق جامعہ عروۃ الوثقیٰ لاہور میں ’’پاک ایران یکجہتی اجتماع‘‘ کا انعقاد کیا گیا۔ اجتماع کی صدارت سربراہ تحریک بیداری امت مصطفیٰ علامہ سید جواد نقوی نے کی۔ کانفرنس میں سابق امیر جماعت اسلامی سراج الحق، چیئرمین مجلس وحدت مسلمین و اپوزیشن لیڈر سینیٹ علامہ راجہ ناصر عباس جعفری،صدر شیعہ علماء کونسل پنجاب علامہ اشتیاق حسین کاظمی، صدر وفاق المدارس الشیعہ پاکستان علامہ حافظ ریاض حسین نجفی،چیئرمین اُمتِ واحدہ علامہ محمد امین شہیدی،صدر نظام المدارس پاکستان ڈاکٹر میر آصف اکبر، علامہ سید عاشق حسین، قاسم علی قاسمی سمیت تمام مکاتب فکر کے علمائے کرام، عمائدین اور دانشور حضرات کی بڑی تعداد نے شرکت کی۔
یہ بھی پڑھیں : سکردو، شہید رہبر معظم کے چہلم پر تاریخی اجتماع، عقیدت کا بے مثال اظہار
مقررین نے شہید اسلام، آیت اللہ سید علی خامنہ ای کی اسلام کیلئے شہادت پر انہیں خراج عقیدت پیش کیا۔ مقررین نے اتحادِ امت اور بیداری پر زور دیتے ہوئے اتحاد، بیداری اور مظلوموں کا ساتھ دینے کا عزم کیا۔
چیئرمین امت واحدہ پاکستان علامہ امین شہیدی نے کہا کہ اصل پیغام یہ ہے کہ اسلام ہمیشہ باقی رہنے والا نظام ہے، قوم کو ایک مشترکہ آواز اور یکجہتی کی ضرورت ہے، امت کو اپنے رہبر کے راستے پر متحد ہو کر کھڑا ہونا ہوگا۔
انہوں نے کہا کہ وقتی مفادات کے لیے اصولوں پر سمجھوتہ نہیں کرنا چاہیے، قیادت کا اصل مقصد قوم کی اجتماعی آواز بننا ہے، اُمت کو امتیازی تقسیم سے نکل کر ایک وحدت بننا ہوگا، آنے والا وقت کربلا کی طرح قربانی کا تقاضا کرتا ہے۔
The post امت کو اپنے رہبر کے راستے پر متحد ہو کر کھڑا ہونا ہوگا، علامہ امین شہیدی appeared first on شیعہ نیوز پاکستان.
