شیعہ نیوز: حوزہ علمیہ کے سربراہ آیت اللہ اعرافی نے پوپ لیو 14 کو خط میں لکھا کہ”آپ مسیحیت کے حقیقی مشن پر وفادار رہے، کیونکہ حضرت عیسیٰ مسیح (ع) امن، رحمت اور مظلوموں کے دفاع کے پیغامات لے کر آئے تھے۔ آپ آج جو کچھ کہہ رہے ہیں، وہ اسی مشن کا ظہور ہے جو مسیح اٹھائے پھرتے تھے۔”
حوزہ علمیہ کے سربراہ نے کہا کہ آج آپ نے ثابت کر دیا کہ ویٹیکن کی کرسی ظلم کے خلاف انصاف کی آواز کا مرکز ہو سکتی ہے، نہ کہ خاموشی کی قربان گاہ۔ علمی، حوزوی اور یونیورسٹی مراکز، اور دنیا کے تمام موحدین اور مظلوم آپ سے توقع رکھتے ہیں کہ آپ اس موقف کو جاری رکھیں اور دنیا کے مظلوموں کا دفاع کرتے رہیں۔
یہ بھی پڑھیں : اسرائیل کے ساتھ شراکت داری کا معاہدہ ختم کرنے کے لیے دس لاکھ یورپیوں کے دستخط
انہوں نے کہا کہ اس دور میں جب بہت سے لوگ دین کو انسانی اخلاقی زندگی کے دائرے سے باہر دھکیلنے کی کوشش کر رہے ہیں، اور اسے ایک ذاتی اور بے اثر معاملہ قرار دے رہے ہیں، آپ کا بے گناہ انسانوں کی جانوں کے دفاع میں موقف اس بات کی زندہ دلیل ہے کہ مذہبی ضمیر اب بھی دنیا میں سب سے مضبوط اخلاقی آواز ہو سکتا ہے۔
آیت اللہ اعرافی نے کہا کہ ہم اللہ تعالیٰ سے — جسے یہودی، مسیحی اور مسلمان سب پکارتے ہیں۔ دعا کرتے ہیں کہ وہ اس اخلاقی بہادری کو مذہبی اداروں میں قائم رکھے، اور اسے بین الاقوامی اداروں اور دنیا کی حکومتوں میں بیدار کرے، اور وہ دن لائے جب انصاف کی آواز بموں اور شیطانوں کے شور پر غالب آ جائے۔
یاد رہے اس سے قبل آیت اللہ العظمیٰ نوری ہمدانی نے بھی پوپ لیو کے نام خط میں امریکی استکبار اور صہیونی فساد کے خلاف بہادرانہ موقف کو سراہا تھا۔
The post آپ مسیحیت کے حقیقی مشن پر وفادار رہے ، آیت اللہ اعرافی کا پوپ لیو کے انسانی مؤقف پر شکریہ appeared first on شیعہ نیوز پاکستان.
