شیعہ نیوز: ایران اورامریکہ کے درمیان 40 روزہ جــنگ کے خاتمے کے اعلان کے بعد اسرائیل نے جنگ بندی کی خلاف ورزی کرتے ہوئے لبنان میں شہری علاقوں پر حملے شروع کر دیے۔ اس کے جواب میں حزب اللہ نے منگل 14 اپریل کو جوابی کارروائیوں کا ایک وسیع سلسلہ شروع کیا۔
حزب اللہ کے جـــنگجوؤں نے اس دن 30 سے زائد کارروائیاں کیں، جن میں جنوبی لبنان کے مختلف علاقوں (خیام، البیاضہ، عین ایبل، صدیقین، صور، ناقورہ، بیاضہ، شمعہ) میں اسرائیلی فوجیوں کے اجتماعات، توپ خانے کی پوزیشنوں، کمانڈ سینٹرز، فوجی گاڑیوں، اور ڈرونز کو نشانہ بنایا گیا۔
یہ بھی پڑھیں : مذاکرات کیلئے ہمیشہ تیار، مرضی مسلط کرنے کی کوشش ناکام ہو گی، صدر پزشکیان
اسرائیلی بستیوں میں کریات شمونا، مطولہ، مسگاو عم، کفر گیلادی، المالکیہ، تل حی، دیشون، منارہ، مرگالیوت، کفر بلوم، لیمان، ساعر، نہاریہ، اویویم، یعرون، شلومی، اور بیت ہاعیمق شامل تھیں۔ اس کے علاوہ مقبوضہ شامی گولان میں العلیقہ پادگان اور نوی اتیو سائٹ کو بھی نشانہ بنایا گیا۔
ایک اہم کارروائی میں عکہ شہر کے شمال میں شرگا بیس (گولانی بریگیڈ کا انتظامی ہیڈکوارٹر) کو راکٹوں اور ڈرونز سے نشانہ بنایا گیا۔ حزب اللہ نے صدیقین، صور اور زہرانی کے ساحلوں کے آسمان میں اسرائیلی ہرمیس 450 ڈرونز کو مار گرایا اور مغربی بیکا میں جنگی طیارے کا مقابلہ کیا۔
حزب اللہ نے کہا کہ یہ کارروائیاں اس وقت تک جاری رہیں گی جب تک لبنان کے خلاف امریکی اسرائیلی جارحیت مکمل طور پر ختم نہیں ہو جاتی۔ ایران نے بھی خبردار کیا ہے کہ اگر لبنان پر حملے جاری رہے تو سخت جواب دیا جائے گا۔
The post جنگ بندی کی خلاف ورزی پر حزب اللہ کے ایک ہی دن میں 30 سے زائد جوابی حملے appeared first on شیعہ نیوز پاکستان.
