شیعہ نیوز: پاسداران انقلاب اسلامی کی انٹیلیجنس تنظیم نے ایک بیان میں انقلاب دشمن گروپوں سے منسلک متعدد ٹیموں کی شناخت اور انہيں تباہ کرنے ک خبر دی ہے۔
پاسداران انقلاب اسلامی کی انٹیلیجنس تنظیم نے ایک بیان میں اعلان کیا ہے کہ کردستان اور کرمانشاہ صوبوں میں کی گئی کارروائیوں کے دوران امریکہ اور صیہونی حکومت کے حمایت یافتہ انقلاب دشمن دہشت گردوں سے منسلک متعدد ٹیموں کو ملک کے مغربی علاقوں میں دشمن کے حملے کے لئے سہولت فراہم کرنے کی کوششوں کے دوران پکڑ کر تباہ کر دیا گیا۔
اس بیان میں کہا گیا ہے کہ علیحدگی پسند دہشت گرد کرد گروپوں کے متعدد ٹھکانوں کو تباہ کر دیا گیا ، ۱۱ افراد کو گرفتار کیا گيا، ایک شخص کا خاتمہ ہوا اور ۸ کلاشنکوف ، آر پی جی اور ۲۰۰۰ سے زائد گولہ بارود بھی بر آمد کیا گيا۔
یہ بھی پڑھیں : ایران کو نئے معاہدے کے لیے بین الاقوامی ضمانتوں کی ضرورت ہے: سابق یورپی عہدیدار
بیان مین کہا گيا ہے کہ عراقی کردستان کے ایک دہشت گرد گروپ کے ٹھکانے کا پتہ لگایا گیا جہاں ۹۰ بم ڈیٹنیٹر، ۱۸ دستی بم، ۵ مارٹر گولے، ۱۲۵۳ کارتوس، ۶ رائفل ، اور ریڈیو مواصلاتی آلات بر آمد ہوئے۔
بیان میں بتایا گیا ہے کہ اسی طرح اندرون ملک سرگرم انقلاب دشمن تنظيموں کے ۷۳ عناصر کی گرفتاری بھی ہوئی ہے۔
پاسداران انقلاب کی خفیہ تنظیم نے اسی طرح اسمگلنگ کرنے والے ایک گروہ کو تباہ کیا ہے جس کے پاس سے ۱۰ کلاشنکوف ، ۲۲۵۰ کارتوس، ۲ شکاری بندوق ، ۷ آر پی جی، ۹۰ دھماکہ خیز ڈیٹنیٹر، اور متعدد سیٹلائٹ انٹرنیٹ ڈیوائسز بر آمد کئے گئے ہیں۔
اس کے علاوہ، پاسداران انقلاب اسلامی کی صوبہ کرمانشاہ کی یونٹ نے خفیہ کارروائیوں میں انقلاب دشمن گروپوں کے ۱۵۵ کو گرفتار کیا ہے۔
واضح رہے جنگ کے دوران اسلامی جمہوریہ ایران کی فوج اور عوام کی تاریخی مزاحمت اور فتح کے بعد اب دشمن عناصر ، مختلف انداز میں سازشوں کے ذریعے اپنی شکست کو ہلکا کرنے کی کوشش کر رہے ہيں۔
The post سپاہ پاسداران انقلاب: انقلاب دشمن تنظیموں سے منسلک ٹیمیں تباہ کر دی گئیں appeared first on شیعہ نیوز پاکستان.
