شیعہ نیوز: اسلامی مزاحمتی تحریک حماس کے ترجمان حازم قاسم نے اپنے ایک بیان میں کہا ہے کہ اسرائیلی فوج کی جانب سے نام نہاد یلو لائن کو غزہ کی پٹی کے اندر مغرب کی جانب سینکڑوں میٹر منتقل کرنا جنگ بندی معاہدے کی سنگین ترین خلاف ورزی ہے۔
حازم قاسم نے اپنے ویڈیو بیان میں واضح کیا کہ اس لکیر کو آگے بڑھانے کے عمل کے ساتھ ساتھ شدید فائرنگ، گولہ باری اور شہریوں کی جبری بے دخلی کا سلسلہ بھی جاری رہا، جس کے نتیجے میں ان علاقوں میں مقیم متعدد فلسطینی شہری جام شہادت نوش کر گئے۔
یہ بھی پڑھیں : مزاحمتی محاذ پہلے سے زیادہ مضبوط اور متحد ہے، جنرل اسماعیل قاآنی
حازم قاسم نے زور دے کر کہا کہ قابض دشمن کی اس جارحیت پر ثالثوں کی جانب سے ایک دوٹوک اور سخت موقف اختیار کرنے کی ضرورت ہے تاکہ ان تجاوزات کو روکا جا سکے۔
انہوں نے اس جانب بھی اشارہ کیا کہ سلامتی کونسل قتل و غارت گری، جبری بے دخلی، عمارتوں کو دھماکوں سے اڑانے اور غزہ کی پٹی میں انسانی امداد کی فراہمی میں رکاوٹیں ڈالنے جیسے مسلسل جرائم اور خلاف ورزیوں کو روکنے میں مکمل طور پر ناکام ہو چکی ہے۔
انہوں نے عالمی برادری اور ثالثوں سے مطالبہ کیا کہ وہ قابض دشمن کی ان خلاف ورزیوں کا مقابلہ کرنے اور اسے دستخط شدہ معاہدوں کی پاسداری کا پابند بنانے کے لیے زیادہ مؤثر اقدامات کریں۔
The post اسرائیل کی جانب سے یلو لائن کی منتقلی سنگین خلاف ورزی ہے، حماس appeared first on شیعہ نیوز پاکستان.
