شیعہ نیوز: خاتم الانبیاء ہیڈکوارٹر کے اعلی عہدیدار نے امریکہ اور صہیونی حکومت کو انتباہ کیا ہے کہ ایرانی مسلح افواج مکمل آمادہ ہیں، کسی قسم کی غلطی کی صورت میں سخت جواب دیا جائے گا۔
رپورٹ کے مطابق خاتم الانبیاء سینٹرل ڈیفنس ہیڈکوارٹر کے نائب کمانڈر جنرل محمد جعفر اسدی نے کہا ہے کہ امریکی اور صیہونی دشمن کی جانب سے کسی قسم کی شرارت کی صورت میں دندان شکن جواب دیا جائے گا۔
انہوں نے کہا کہ خلیج فارس اور آبنائے ہرمز ایران اور اس کے ہمسایہ ممالک سے متعلق علاقہ ہے، اور امریکیوں کو اس بارے میں رائے دینے کا کوئی حق نہیں۔
یہ بھی پڑھیں : غزہ کا ظالمانہ محاصرہ توڑنے کے لیے گلوبل صمود فلوٹیلا کا مشن ربیع سنہ 2026ء صقلیہ سے روانہ
جنرل اسدی نے امریکی حکمرانوں کی دھونس دھمکیوں کو امریکی عوام کے لیے شرم کا باعث قرار دیتے ہوئے کہا کہ امریکی حکام آبنائے ہرمز اور خطے کے مسائل پر ایسے وقت میں تبصرے کر رہے ہیں جب یہ مسائل سرے سے امریکہ سے کوئی تعلق ہی نہیں رکھتے۔
انہوں نے کہا کہ دشمن ایران کے تیل کے وسائل کو لوٹنے کے درپے ہیں۔ ہم امریکیوں سے صاف لفظوں میں کہتے ہیں کہ یہ وینزویلا نہیں کہ آپ اس کے وسائل لوٹ سکیں؛ کیونکہ اسلامی جمہوری ایران اور اس کی عظیم قوم آپ کے مقابلے میں کھڑے ہوں گے۔
جنرل اسدی نے ایران پر امریکہ کے ممکنہ دوبارہ حملے کے مقابلے میں جوابی منصوبے کی طرف اشارہ کرتے ہوئے کہا کہ اسلامی جمہوریہ ایران کی مسلح افواج اور مقاومت کے پاس دشمن کا مقابلہ کرنے کا مکمل منصوبہ موجود ہے، اور اگر امریکی فوج اور صیہونی حکومت نے دوبارہ حملہ کیا تو انہیں اس سے بھی سخت جواب کا سامنا کرنا پڑے گا۔
The post کسی قسم کی غلطی کی صورت میں منہ توڑ جواب دیا جائے گا، ایرانی جنرل کا انتباہ appeared first on شیعہ نیوز پاکستان.
