شیعہ نیوز: ٹرمپ انتظامیہ کے وزیر جنگ “پیٹ ہیگسیتھ” ایران کے خلاف جنگ کے بعد پہلی بار کانگریس میں نمودار ہوئے اور اپنے دعوؤں اور تضاد بیانی کا اعاہ کرتے ہوئے جنگ مخالفین پر لفظی حملے کیے جبکہ دوسری جانب اجلاس میں پینٹاگون میں سینئر مالیاتی عہدیدار بتایا کہ اس جنگ میں اب تک تقریباً 25 بلین ڈالر کا اسلحہ اور ديگر ساز و سامان خرچ ہوا ہے۔
رپورٹ کے مطابق، امریکی وزیر جنگ نے بدھ کو مقامی وقت کے مطابق کانگریس میں مسلح خدمات کی کمیٹی کی سماعت میں شرکت کی جو کہ “محکمہ دفاع کے لیے مالی سال 2027 کے بجٹ درخواست” کی منظوری کے لیے منعقد ہوا تھا۔
اجلاس کے دوران، پیٹ ہیگسیتھ نے ایران کے خلاف جاری جنگ کی مخالفت کرنے والوں پر لفظی حملے کیے اور ٹرمپ انتظامیہ کی کارکردگی پر تنقید کرنے والے قانون سازوں کو “سب سے بڑا دشمن” قرار دیا۔
انہوں نے اتنہائی طیش کے عالم میں کہا، “سب سے بڑا چیلنج اور سب سے بڑا دشمن جس کا ہمیں اس وقت سامنا ہے وہ کانگریس کے ڈیموکریٹس اور کچھ ریپبلکن ارکان اور ان کے غیرذمہ دارانہ اور گھٹیا بیانات ہیں۔”
یہ بھی پڑھیں : ایران پر جارحیت کے بارے میں ٹرمپ سے اختلافات ہیں، جرمن چانسلر
انہوں نے دعوی کیا کہ” یہ جنگ امریکی مفادات کے لیے بہت ضروری ہے اور بقول ان کے ٹرمپ میں یہ ہمت تھی کہ وہ اس بات کو یقینی بنائيں کہ ایران جوہری ہتھیار حاصل نہیں کرے گا۔”
ایوان نمائندگان کے سینیئر ڈیموکریٹ رکن ایڈم اسمتھ نے ہیگسیتھ کو مخاطب کرتے ہوئے کہا کہ میں پینٹاگون کے اس دعوے کو انتہائی مضحکہ خیز سمجھتا ہوں کہ ہماری اسٹریٹیجی حقیقت پسندانہ ہے، کیونکہ ایران کے خلاف جنگ ہمیں حقیقت پسندی کے عین مخالف دکھائی دیتی ہے۔
اسمتھ نے یہ بات زور دے کر کہی کہ ہیگسیتھ کھل کر بتائيں کہ ٹرمپ انتظامیہ کے اس تنازعے کے پس پردہ مقاصد کیا تھے۔ انہوں نے کہا، “ہم نے جنگ کے اخراجات دیکھے ہیں جو بہت زیادہ ہیں۔”
ہیگسیتھ نے جواب دیا کہ محکمہ دفاع کے بجٹ کی درخواست “دنیا کی سب سے مضبوط اور قابل ترین فوج” کو برقرار رکھنے کے لیے ضروری ہے اور وہ بھی ایسے وقت میں جب امریکہ کو “متعدد محاذوں پر پیچیدہ خطرات ” کا سامنا ہے۔
پینٹاگون کے سینیئر مالیاتی عہدیدار جولیس جے ہرسٹ نے ہاؤس آرمڈ سروسز کمیٹی کو بتایا ہے کہ فروری کے آخر میں ایران کے ساتھ جن شروع ہونے کے بعد سے امریکی فوج نے تقریباً 25 بلین ڈالر خرچ کیے ہیں۔
انہوں نے کہا کہ زیادہ تر خرچ گولہ بارود پر ہوا ہے۔البتہ کچھ رقم مرمت، نگہداشت اور یا آلات کی تبدیلی پر بھی خرچ کی گئي ہے۔
سی بی ایس نیوز کی رپورٹ کے مطابق جس وقت کانگریس کمیٹی میں دفاعی بجٹ کی سماعت جاری تھی لوگوں کی بڑی تعداد کانگریس چیمبر کے باہر موجود تھی اور سماعت میں شرکت کا مطالبہ کر رہی تھی۔
ان لوگوں نے اس وقت شدید نعرے بازی کی جب امریکی وزیر جنگ سماعت کے بعد کانگریس کمیٹی کے اجلاس سے باہر آرہے تھے۔
The post ایران جنگ پر امریکی کانگریس میں ہنگامہ خیز بحث؛ ہیگسیتھ کی تضاد بیانی اور جنگ مخالفین پر حملے appeared first on شیعہ نیوز پاکستان.
