شیعہ نیوز: پاکستان کلمہ طیبہ کی بنیاد پر معرض وجود میں آیا دنیا کی کوئی طاقت اسے نہیں مٹا سکتی، آپریشن بنیان مرصوص کی سالگرہ دشمن پر غلبے کی یاد تازہ کرتی ہے، پاک ایران دوستی لازوال ہے اور پاکستان نے ثابت کیا وہ ایرانی قوم کے ساتھ ہے۔ ان خیالات کا اظہار علامہ اقتدار حسین نقوی نے ملتان کے جید علمائے کرام اور عمائدین کے ہمراہ پریس کانفرنس کرتے ہوئے کیا۔ اس موقع پر علامہ قاضی نادر حسین علوی، سلیم عباس صدیقی، انجینئر سخاوت علی سیال، جواد رضا جعفری، علامہ غلام مصطفی انصاری، علی مصدق، علامہ امیر حسین ساقی، علامہ غلام جعفر انصاری، علامہ مبشر حسن، علامہ کاشف حیدری، قاری گلزار حسین، مولانا غدیر شیرازی، مولانا سلمان محمدی، مولانا ہادی حسین قمی، مولانا حسن رضا حیدری، بشارت عباس قریشی،سید دلاور زیدی، قاری تقی گیلانی، مشتاق حسین، مداح حسین، قاضی سجاد حسین، رانا تیمور حسن، ارتضی نقوی، کمیل زیدی، عاطف سرانی ودیگر موجود تھے۔
رہنماؤں نے پریس کانفرنس کرتے ہوئے کہا کہ ملک بھر کی طرح ملتان میں بھی ایران پر ہونے والی جارحیت کے نتیجے میں شہدا بالخصوص سپریم لیڈر آیت اللہ سید علی خامنہ ای کے چہلم کے سلسلے میں عظیم الشان اجتماع 3 مئی بروز اتوار کو چونگی نمبر 9 ملتان پر ہوگا جس میں تمام مذہبی جماعتوں کے قائدین بالخصوص مجلس وحدت مسلمین، امامیہ اسٹوڈنٹس آرگنائزیشن، تحریک بیداری امت مصطفی، امت واحدہ پاکستان، امامیہ آرگنائزیشن پاکستان، شیعہ علما کونسل، جمعیت علمائے اسلام، جماعت اسلامی، جماعت اہلسنت پاکستان سمیت دیگر خطاب کریں گے، عظیم الشان چہلم کی تمام تر تیاریاں مکمل ہوچکی ہیں، ملتان سمیت دیگر اضلاع سے وفود اجتماع میں شریک ہوں گے۔ اجتماع دوپہر 2 بجے شروع ہوگا اور نماز مغرب سے پہلے اختتام پزیر ہوگا۔ رہنماوں نے کہا کہ ملتان انتظامیہ اس حوالے سے سیکیورٹی کے انتظامات کررہی ہے۔
یہ بھی پڑھیں : اتحا امت فورم پاکستان کی جانب سے علامہ راجہ ناصرعباس نے مینارپاکستان پر ”شہیدِ اُمت کانفرنس“ کا اعلان کردیا
رہنماؤں نے مزید کہا کہ ایران امریکہ و اسرائیل جنگ میں پاکستان کا کردار بطور ثالث قابل تحسین ہے پوری پاکستانی قوم نے مظلوم ایرانی بھائیوں کا ساتھ دیا ہے یہی وجہ ہے کہ ایرانی پارلیمنٹ سے لے کر عام شاہراہوں تک پاکستان زندہ باد کے نعرے لگائے گئے ہیں۔ انہوں نے کہا کہ ایرانی قوم نے جس جذبے، جرات اور بہادری کے ساتھ نام نہاد سپرپاور کا مقابلہ کیا ہے دنیا اس کی معترف ہے، دنیا نے دیکھ لیا ایک طرف طاقت کے نشے میں مست وقت کا فرعون کیسے ذلیل و رسوا ہوا۔ پوری امت مسلمہ کو مصلحت پسندی کو ترک کر کے یہود و نصاری کے خلاف متحد ہونا ہوگا۔ امریکی صدر اس وقت ناقابل اعتبار ترین بن چکا ہے یورپ اس کی انسانیت سوز حرکتوں سے اکتا چکا ہے۔رہنماوں نے کہا کہ 3 مئی کو ہونے والا چہلم کا عظیم الشان اجتماع سنی شیعہ وحدت کا مظہر ہوگا۔
The post 3مئی کو ملتان میں شہید آیت اللہ خامنہ ای ؒ و دیگر شہداء کی یاد میں اجتماع کااعلان appeared first on شیعہ نیوز پاکستان.
