شیعہ نیوز: این ای ڈی یونیورسٹی آف انجینئرنگ اینڈ ٹیکنالوجی کراچی کے سید محمود عالم آڈیٹوریم میں ’’Academia’s Perception of War‘‘ کے عنوان سے ایک اہم علمی پروگرام منعقد ہوا، جس کا اہتمام مشترکہ طور پر NETA، انجمن اساتذہ، SPLA اور KUTS نے کیا۔
پروگرام کی صدارت رجسٹرار این ای ڈی یونیورسٹی ڈاکٹر غضنفر حسین نے کی، جبکہ مہمانِ خصوصی ڈائریکٹر جنرل اسلامی ثقافتی مرکز ایران کراچی ڈاکٹر سعید طالبی نیا تھے۔ اس موقع پر سابق وفاقی وزیر خزانہ مفتاح اسماعیل نے بھی شرکاء سے خطاب کیا۔
یہ بھی پڑھیں : اتحا امت فورم پاکستان کی جانب سے علامہ راجہ ناصرعباس نے مینارپاکستان پر ”شہیدِ اُمت کانفرنس“ کا اعلان کردیا
سیمینار میں روضہ امام علی رضا علیہ السلام کے خصوصی وفد نے بھی شرکت کی، جو حالیہ جنگی حالات کے دوران پاکستان حکومت اور عوام کی حمایت پر اظہارِ تشکر کے لیے پاکستان کے دورے پر ہے۔
مقررین نے اپنے خطابات میں جنگ کے اثرات، عالمی سیاست، اکیڈمک حلقوں کے کردار اور امن کے قیام میں علمی اداروں کی ذمہ داریوں پر روشنی ڈالی۔ اس موقع پر پاکستان اور ایران کے درمیان ثقافتی و فکری روابط کو مزید مضبوط بنانے کی ضرورت پر بھی زور دیا گیا۔ پروگرام کے اختتام پر شرکاء نے امن، مکالمہ اور بین الاقوامی تعاون کو فروغ دینے کے عزم کا اعادہ کیا۔
The post این ای ڈی یونیورسٹی کراچی میں سیمینار بعنوان ’’Academia’s Perception of War‘‘ کا انعقاد،حرم امام رضاؑ کے وفدکی خصوصی شرکت appeared first on شیعہ نیوز پاکستان.
