شیعہ نیوز: چیئرمین مجلسِ وحدت مسلمین پاکستان، قائد حزب اختلاف سینیٹ آف پاکستان سینیٹر علامہ راجہ ناصر عباس جعفری نے لاہور میں مرکزی سیکرٹریٹ آئی ایس او پاکستان المصطفٰی ہاؤس کا دورہ کیا۔
اس موقع پر مرکزی صدر امامیہ اسٹوڈنٹس آرگنائزیشن پاکستان سید امین شیرازی سے ملاقات کی اور مینار پاکستان پر ہونیوالے 13 جون کے اجتماع سے متعلق مشاورت کی۔اس موقع پر خطیب حرم امام حسین علیہ السلام علامہ سید ظہیر الحسن کربلائی، رفیق شہید حسینیؒ علامہ مشرف حسینی، سابق مرکزی صدر آئی ایس او پاکستان اطہر عمران، حسن عارف، سید فخر عباس، مسئول المہدی ادارہ تربیت آئی ایس او پاکستان علامہ اسد عباس نقوی اور سید حسنین جعفر زیدی بھی موجود تھے۔ ملاقات میں 13 جون کے اجتماع کیلئے انتظامات اور روابط کیلئے لائحہ عمل پر غور کیا گیا۔
یہ بھی پڑھیں : کراچی سے علماءکرام کے وفد کی علامہ ساجد نقوی سے ملاقات ، چہلم شہید رہبرؒ میں شرکت کی دعوت
علامہ راجہ ناصر عباس جعفری نے کہا کہ یہ کانفرنس پاکستان کی تاریخ میں ایک مثالی کانفرنس ہوگی، جس میں تمام شیعہ جماعتوں کیساتھ ساتھ اہلسنت عمائدین، علمائے کرام، مشائخ عظام بھی شریک ہوں گے۔ انہوں نے کہا کہ یہ کانفرنس ایک تعزیتی اجتماع ہے، جو رہبر شہید سید علی خامنہ کو خراج عقیدت پیش کرنے کیلئے منعقد کروا رہے ہیں، اس اجتماع کا کوئی سیاسی مقصد نہیں۔
The post مینار پاکستان پر شہید رہبر ؒ کی یاد میں تعزیتی اجتماع ہوگا اس کا کوئی سیاسی مقصد نہیں ہے، سینیٹر علامہ راجہ ناصرعباس appeared first on شیعہ نیوز پاکستان.
