شیعہ نیوز: ایران کے صدر مسعود پزشکیان نے امریکہ کو دو ٹوک پیغام دیتے ہوئے کہا ہے کہ ایران کسی بھی قسم کی دھمکیوں کے سامنے نہیں جھکے گا اور اسلامی جمہوریہ کو کوئی بھی خوفزدہ نہیں کر سکتا۔
بدھ کے روز جاری اپنے بیانات اور سوشل میڈیا پیغامات میں ایرانی صدر نے کہا کہ مسلمان صرف اللہ کے سامنے جھکتے ہیں اور کسی بھی طاقت کے دباؤ کو قبول نہیں کرتے۔
انہوں نے امریکی حکام پر زور دیا کہ وہ ایران کو فوجی حملوں کی دھمکیاں دینا بند کریں۔
یہ بھی پڑھیں : مقبوضہ مغربی کنارے میں اسرائیلی منصوبوں کا ہدف فلسطینی وجود اور انسان ہے، حماس
مسعود پزشکیان کا کہنا تھا کہ موجودہ عالمی نظام میں ناانصافی، قانون کی خلاف ورزی اور ظلم بڑھ رہا ہے، جس کی بڑی وجہ یہ ہے کہ سیاست کو صرف طاقت تک محدود کر دیا گیا ہے۔
انہوں نے مزید کہا کہ ایران خود کو ایک ذمہ دار ریاست کے طور پر پیش کرتا ہے جو اخلاقی اصولوں پر قائم ہے اور عالمی سطح پر انصاف اور استحکام کا حامی ہے۔
نیوز کے مطابق ایرانی صدر کا یہ بیان ایسے وقت میں سامنے آیا ہے جب امریکا اور ایران کے درمیان کشیدگی بڑھ رہی ہے اور خطے میں فوجی تناؤ میں اضافہ دیکھا جا رہا ہے۔
The post ’ہم کسی دھمکی کے آگے نہیں جھکیں گے‘، ایرانی صدر کا امریکہ کو دو ٹوک پیغام appeared first on شیعہ نیوز پاکستان.
