شیعہ نیوز: سونے کی عالمی اور پاکستانی مقامی مارکیٹوں میں قیمت اچانک بڑھ گئی۔ بین الاقوامی بلین مارکیٹ میں جمعرات کے روز فی اونس سونے کی قیمت میں اچانک 78 ڈالر کا اضافہ ریکارڈ ہوا، جس کے نتیجے میں نئی عالمی قیمت 4 ہزار 744 ڈالر کی سطح پر آگئی۔
عالمی مارکیٹ کے زیر اثر پاکستان کے مقامی صرافہ بازاروں میں بھی 24 قیراط کے حامل فی تولہ سونے کی قیمت میں 7 ہزار 800 روپے کا اضافہ ہوا، جس کے نتیجے میں نئی قیمت 4 لاکھ 96 ہزار 762 روپے کی سطح پر آگئی۔ اسی طرح ملک میں فی 10 گرام سونے کی قیمت 6 ہزار 687 روپے بڑھ کر 3 لاکھ 90 ہزار 416 روپے کی سطح پر آگئی۔
یہ بھی پڑھیں : آذان میں علی ً ولی اللہ کہنا جرم بن گیا، ابن ملجم کی اولاد کابزرگ مؤذن پر حملہ
سونے کی قیمتوں میں اضافے کے ساتھ ہی مقامی مارکیٹوں میں فی تولہ چاندی کی قیمت بھی 373 روپے کے اضافے سے 8 ہزار 445 روپے کی سطح پر آگئی، جبکہ فی 10 گرام چاندی کی قیمت بھی 320 روپے کے اضافے سے 7 ہزار 240 روپے کی سطح پر آگئی۔
The post سونا مہنگا ہوگیا، عالمی اور پاکستان مارکیٹوں میں قیمت میں اچانک بڑا اضافہ appeared first on شیعہ نیوز پاکستان.
