شیعہ نیوز: اسلامی جمہوریہ ایران کی فوج کے چیف کوآرڈینیشن کمانڈر ایڈمیرل حبیب اللہ سیاری نے کہا کہ امریکہ کو ایران کی جنگ میں تاریخی شکست کا سامنا کرنا پڑا ہے۔
ایران کی شہری ہوابازی کے ادارے کے سربراہ سے ملاقات کے دوران ایڈمیرل حبیب اللہ سیاری نے بحریہ کے دنا جہاز کے شہیدوں کے جسد خاکی کو وطن واپس لانے میں ایران کے سول ایویئیشن ادارے کے رضاکارانہ اقدام کی قدردانی کی۔
انہوں نے کہا کہ ایرانی عوام نے بحریہ کے شہیدوں کو اپنے شانوں پر اٹھا کر، ملک کے سپاہیوں کو شاندار انداز میں خراج تحسین پیش کیا۔
یہ بھی پڑھیں : کشیدگی بڑھی تو عالمی معیشت جمود کا شکار ہوجائے گی: آئی ایم ایف کا انتباہ
فوج کے چیف کوآرڈینیشن کمانڈر نے ایران کی بحریہ کے بڑے کارناموں کی جانب اشارہ کرتے ہوئے شہید رہبر کے اس بیان کی جانب اشارہ کیا جس میں آپ نے فرمایا تھا کہ ایران کی بحری فورس نے تمام پابندیوں اور رکاوٹوں کے باوجود بحیرہ احمر، باب المندب، بحیرہ روم اور دوسری جگہوں پر اپنی موجودگی کو یقینی بنایا جسے دیکھ کر دشمن طاقتیں اور خطے کے ممالک حیران رہ گئے اور بحریہ نے خود کو علاقے کی ریاستوں کے لیے نمونہ عمل ثابت کیا۔
ایڈمیرل حبیب اللہ سیاری نے زور دیکر کہا کہ ایران کی مسلح افواج کے ایثار اور شاندار استقامت نیز ملک کے سپاہیوں کو حاصل عوامی حمایت کے نتیجے میں امریکہ اپنے تمام وسائل اور اپنی ظاہری طاقت کے ساتھ اسلامی جمہوریہ ایران کے مقابلے میں شکست کھائے گا اور اس شکست کے بارے میں تاریخ میں لکھا جائے گا۔
The post ایران کے مقابلے میں امریکہ کی شکست کو تاریخ میں لکھا جائے گا: ایڈمیرل سیّاری appeared first on شیعہ نیوز پاکستان.
