شیعہ نیوز: سابق وفاقی وزیر و سینئر رہنما مسلم لیگ ن محترم جناب خواجہ سعد رفیق صاحب کی جامعہ عروۃ الوثقیٰ لاہور میں استادِ محترم سید جواد نقوی سے ملاقات اور اہم قومی و علاقائی امور پر گفتگو،ملاقات میں ملکِ پاکستان کی موجودہ صورتحال، ایران اور خطے کے حالات، امتِ مسلمہ کے مسائل، فلسطین و غزہ کی مظلومانہ صورتحال اور موجودہ حالات کے تناظر میں قومی یکجہتی و استحکام کے تقاضوں پر تفصیلی مشاورت کی گئی۔
اس موقع پر شہید رہبرِ انقلابِ اسلامی آیت اللہ العظمیٰ امام سید علی خامنہ ای(قدس سرہ) کی شہادت پر تعزیت و تسلیت کا اظہار کیا گیا اور امتِ مسلمہ کے اتحاد، استقامت، شعور بیداری، مسئلۂ فلسطین اور ایران کے اصولی مؤقف کے حوالے سے ان کی عظیم خدمات کو خراجِ عقیدت پیش کیا گیا،محترم جناب خواجہ سعد رفیق صاحب نے استادِ محترم سید جواد نقوی کی پاکستان کے استحکام، قومی وحدت، فکری رہنمائی اور معاشرتی اصلاح کے حوالے سے جاری سرگرمیوں اور کاوشوں کو سراہا۔
یہ بھی پڑھیں : جی بی انتخابات میں کسی بھی قسم کی دھاندلی ملکی استحکام اور جمہوری عمل کے لیے بھی نقصان دہ ثابت ہو سکتی ہے،سینیٹرعلامہ راجہ ناصرعباس
مزید برآں وزیرِ دفاع محترم جناب خواجہ آصف صاحب کے ایران کے حق میں واضح مؤقف، اسرائیل و امریکہ کی جارحانہ کارروائیوں کی مذمت اور مظلوم اقوام کے حق میں آواز بلند کرنے کو بھی قابلِ تحسین قرار دیا گیا،باہمی ہم آہنگی، قومی وحدت، ایران کے عوام سے یکجہتی، فلسطین و غزہ کے مظلوم عوام کی حمایت اور پاکستان میں امن و استحکام کے فروغ کے لیے مشترکہ کردار ادا کرنے کی ضرورت پر بھی گفتگو ہوئی، جبکہ ملک و ملت کی بہتری کے لیے مثبت و مؤثر جدوجہد جاری رکھنے کے عزم کا اظہار کیا گیا۔
The post سابق وفاقی وزیر و سینئر رہنما مسلم لیگ ن خواجہ سعد رفیق صاحب کی علامہ سید جواد نقوی سے ملاقات appeared first on شیعہ نیوز پاکستان.
