شیعہ نیوز: مسلم لیگ (ن) کے رہنما اور سابق وفاقی وزیر ریلوے خواجہ سعد رفیق نے کہا کہ امتِ مسلمہ کی اصل تقسیم شیعہ اور سنی، عرب و عجم یا مشرق و مغرب کے درمیان نہیں بلکہ حق اور باطل کے درمیان ہے۔ انہوں نے کہا کہ ایک ایسے رہبر کی شہادت جس نے اپنی پوری زندگی فلسطین، لبنان، یمن اور دنیا بھر کے مظلوموں کی حمایت میں گزاری، نے فرقہ وارانہ تعصبات کی بنیادوں کو کمزور کر دیا ہے، اسی کا نتیجہ ہے کہ مختلف مکاتبِ فکر سے تعلق رکھنے والی دینی، سیاسی اور علمی شخصیات نے اپنے اختلافات سے بالاتر ہو کر اس رہبر کو خراجِ عقیدت پیش کیا۔
یہ بھی پڑھیں : شہید رہبر کی قربانی سے پیدا ہونے والی یہ تاریخی فرصت امت کے اتحاد، عزت اور سربلندی کا ذریعہ بن چکی ہے، امین شیرازی
مینار پاکستان پر شہیدِ امت کانفرنس سے خطاب کے دوران مسلم لیگ (ن) کے مرکزی رہنما نے کہا کہ لوگوں نے یہ حقیقت محسوس کی کہ جو شخصیت اپنی جان کسی مخصوص گروہ کے لیے نہیں بلکہ مظلوم انسانیت، امتِ مسلمہ کے وقار اور عالمی آزادی کے لیے قربان کرے، اسے محدود فرقہ وارانہ پیمانوں میں نہیں ناپا جا سکتا، ایسی شخصیت کا تعلق کسی ایک مسلک سے نہیں بلکہ ایک ایسے آفاقی مقصد سے ہوتا ہے جو سرحدوں، قومیتوں اور مسلکی شناختوں سے بلند تر ۔ ہوتا ہے۔ لبیک یا حسینؑ کے اس نعرے نے امریکی دجالوں اور صہیونی طاقتوں و سازشوں پہ مرگی کا عالم برپا کر دیا ہے
The post لبیک یا حسینؑ کے اس نعرے نے امریکی دجالوں اور صہیونی طاقتوں و سازشوں پہ مرگی کا عالم برپا کر دیا ہے ،خواجہ سعد رفیق appeared first on شیعہ نیوز پاکستان.
