شیعہ نیوز: لبنانی فوج نے کہا ہے کہ قابض اسرائیلی فوج فریم ورک معاہدے کی خلاف ورزی کرتے ہوئے شہری آبادیوں پر مسلسل بمباری کر رہی ہے۔
رپورٹ کے مطابق لبنانی فوج نے بدھ کے روز ایک بیان جاری کیا ہے جس میں کہا گیا ہے اسرائیلی رجیم کے فوجی جنوبی دیہات، قصبوں اور بنیادی ڈھانچے کو تباہ کرکے فریم ورک معاہدے اور بین الاقوامی قوانین کی خلاف ورزیاں کر رہے ہیں۔
بیان میں یہ بات زور دے کر کہی گئي ہے کہ ہم جنوبی لبنان میں اپنا مشن جاری رکھے ہوئے ہیں لیکن اسرائیلی حملوں کی وجہ سے ہمیں مشکلات کا سامنا ہے۔
یہ بھی پڑھیں : بلوچستان، بارود سے بھری گاڑی میں دھماکا، فورسز کی کارروائی، 18 دہشت گرد ہلاک، 3 شہری شہید
واضح رہے کہ گزشتہ روز بھی اسرائیلی رجیم نے جنوبی لبنان کے قصبے “کفتان” پر گولہ باری کی تھی۔ اس کے علاوہ صیہونی حکومت کے ایک ڈرون نے جنوبی لبنان کے قصبے “عیتہ الجبل” پر بمباری کی تھی۔
امریکہ کی ثالثی میں لبنان اور اسرائیلی رجیم کے درمیان مذاکرات کے کئی دور ہوچکے ہیں لیکن اس کے باوجود جنوبی لبنان پر اسرائیلی فوج کے حملے جاری ہیں جبکہ اس علاقے سے اسرائیلی افواج کے انخلاء کے عمل میں کوئی پیش رفت دیکھنے میں نہیں آئی ہے۔
واشنگٹن میں امریکہ کی ثالثی سے براہ راست مذاکرات کے کئی ادوار کے بعد لبنان اور اسرائیلی رجیم نے ملک بھر میں لبنانی فوج کی مرحلہ وار تعیناتی اور جنوبی لبنان کے مقبوضہ علاقوں سے اسرائیلی افواج کے انخلاء کے لیے ایک فریم ورک معاہدے پر دستخط کیے تھے تاہم، تل ابیب اب تک اپنے وعدوں پر مکمل عمل درآمد سے گریزاں ہے اور رہائشی علاقوں، خاص طور پر جنوبی لبنان کے سرحدی علاقوں کو مسلسل جارحیت کا نشانہ بنا رہا ہے۔
The post اسرائیلی رجیم رہائشی علاقوں پر بمباری کرکے مفاہمت کی خلاف ورزی کر رہی ہے، لبنانی فوج appeared first on شیعہ نیوز پاکستان.
