شیعہ نیوز: امریکہ کی سابق نائب صدر کملا ہیرس نے کہا ہے کہ امریکی عوام جنگ نہیں چاہتے۔
کملا ہیرس نے انٹرنیٹ پر نشر ہونے والے ایک پروگرام میں مشرق وسطی میں امریکہ کے کشیدگی پھیلانے والے اقدامات کی مخالفت کرتے ہوئے کہا کہ امریکی عوام ایک اور جنگ ہرگز نہیں چاہتے۔
یہ بھی پڑھیں : غزہ: شہریوں سے اسرائیل کے انٹیلی جنس رابطوں کے ہتھکنڈوں پر سکیورٹی انتباہ
انھوں نے کہا کہ امریکی عوام نہیں چاہتے کہ ان کے بیٹوں اور بیٹیوں کو کوئی ایسا کام شروع کرنے کے لئے بھیجاجائے جس سے سفارت کاری سے کام لے کر بچا جاسکتا ہے۔
سابق امریکی نائب صدر کملاہیرس نے ایران کے ساتھ کشیدگی پر سخت تشویش کا اظہار کرتے ہوئے کہا کہ امریکہ کے اتحادی بھی ٹرمپ کی جانب سے ممکنہ طور پر کئے جانے والے کسی بھی حملے کے مخالف ہیں۔
انھوں نے امریکی صدر ٹرمپ کی سالانہ تقریر کو جھوٹ کا پلندہ قرار دیا ۔
The post امریکی عوام جنگ نہیں چاہتے، سابق نائب صدر کملا ہیرس appeared first on شیعہ نیوز پاکستان.
