شیعہ نیوز: حزب اللہ لبنان کے سیکرٹری جنرل شیخ نعیم قاسم نےایران کو فرزند رسول حضرت مہدی آخر الزماں علیہ السلام کی حکومت اور مزاحمت کو ظہور میں تعجیل کا باعث قرار دیا ہے۔
رپورٹ کے مطابق حزب اللہ لبنان کے سربراہ شیخ نعیم قاسم نے شب نیمہ شعبان کی خصوصی تقریب اور مسجد جمکران میں رواں برس کے “یاورِ مہدی” کی تقریبِ تعظیم سے ویڈیو لنک کے ذریعے خطاب کیا۔ شیخ نعیم قاسم نے مہدویت، ولایت اور مزاحمت کے درمیان گہرے تعلق پر زور دیتے ہوئے کہا کہ ایران حضرت صاحب الزمان (عج) کی حکومت ہے اور انقلاب اسلامی کی راہ، حجت الٰہی کے ظہور کے خدائی وعدے کے پورا ہونے کی زمین ہموار کر رہی ہے۔۔
انہوں نے انسانیت کی نجات میں عقیدۂ مہدویت کے کردار پر زور دیتے ہوئے کہا کہ امام مہدی (عج) دنیا کے تمام مظلوموں کی امید اور پوری زمین پر عدل کے قیام کا حتمی خدائی وعدہ ہیں۔
یہ بھی پڑھیں : آبنائے ہرمز میں پاسدارانِ انقلاب کی کشتیوں نے امریکی پرچم والے جہاز کو روک لیا
سربراہ حزب اللہ نے قرآن کریم کی آیات اور نبوی روایات سے استناد کرتے ہوئے کہاکہ آج انسانیت کو پہلے سے کہیں زیادہ حضرت امام مہدی (عج) کی قیادت کی ضرورت ہے؛ کیونکہ دنیا ظلم، سرکشی اور استکبار سے بھری ہوئی ہے اور نجات کا واحد راستہ، الہی وعدے کا تحقق، “منجی” کا ظہور ہے۔
حزب اللہ لبنان کے سیکرٹری جنرل نے ظہور سے قبل امت مسلمہ کی آمادگی پر تاکید کی اور طاقت ایثار اور مجاہدانہ جذبے کو مومنین کی لازمی خصوصیات میں شمار کیا۔ان کہنا تھا کہ پاکیزہ، بہادر اور ایثار کرنے والے رہنماؤں کو میدان میں حاضر ہونا چاہیے۔
شیخ نعیم قاسم نے ایران کے اسلامی انقلاب کی فتح کا ذکر کرتے ہوئے اسے “راہِ انتظار میں ایک غیر معمولی کامیابی قرار دیا اور کہا کہ عالمی سرکشی کے عروج کے موقع پر بانی انقلاب امام خمینی (رح) کی قیادت میں اسلامی جمہوریہ ایران کا قیام، ظہور کے لیے زمین ہموار کرنے کی راہ میں ایک بڑا قدم تھا اور آج یہی راہ آیت اللہ العظمی امام خامنہ ای (مدظلہ العالی) کی حکیمانہ قیادت میں پوری قوت کے ساتھ جاری ہے۔
انہوں نے یہ بات زور دے کر کہی کہ اسلامی جمہوریہ ایران، حضرت صاحب الزمان کی حکومت ہے اور اس انقلاب کا پرچم بالآخر امام مہدی (عج) کے مبارک ہاتھوں میں سونپا جائے گا۔
حزب اللہ لبنان کے سیکرٹری جنرل نے لبنان، فلسطین اور خطے میں محاذ مزاحمت کی تشکیل کا ذکر کرتے ہوئے کہا کہ مزاحمت امام خمینی (رح) کی ہدایت پر وجود میں آئی اور آج مزاحمتی محاذ کا ہر مجاہد، امام مہدی (عج) کا نام اپنی زبان پر لاتا ہے اور خود کو ان کا سپاہی سمجھتا ہے۔
شیخ نعیم قاسم نے اس بات پر زور دیا کہ ولی فقیہ کی قیادت سے وابستگی، طاغوتی طاقتوں، امریکہ اور صیہونی حکومت کے مقابلے میں ڈٹ جانا اور مزاحمت کے راستے میں قربانی دینا ہی حقیقی انتظار اور ظہور میں تعجیل کے اہم ترین اسباب ہیں۔
قابل ذکر ہے کہ شبِ نیمہ شعبان کی اس خصوصی تقریب میں مسجد جمکران کی جانب سے شیخ نعیم قاسم کو رواں میں “ناصرالمہدی یا یاورِ مہدی” عنوان کے اعزاز سے نوازا گیا ہے۔
The post ایران صاحب الزمان کی حکومت اور مزاحمت، ظہور میں تعجیل کا راستہ، شیخ نعیم قاسم appeared first on شیعہ نیوز پاکستان.
