شیعہ نیوز: امریکی ذرائع ابلاغ نے اپنی خصوصی رپورٹ میں ایران کے حملوں میں مغربی ایشیا میں واقع امریکی فوجی اڈوں کی تباہی کی تصاویرپہلی بار شائع کی ہیں۔
رپورٹ کے مطابق امریکا کے سی بی ایس میڈیا ہاؤس نے اپنی خصوصی تصویری رپورٹ میں، پہلی بار مشرق وسطی میں واقع امریکی فوجی اڈوں کو ایران کے میزائل اور ڈرون حملوں سے پہنچنے والے وسیع نقصانات دکھائے ہيں۔
سی بی ایس میڈیا ہاؤس نے اپنی رپورٹ میں بتایا ہے کہ یہ تصاویرنامعلوم امریکی فوجیوں نے ارسال کی ہیں۔
امریکا کے اس ابلاغیاتی مرکز نے ایک امریکی فوجی کے حوالے سے لکھا ہے کہ “یہ سنگین نقصانات ہیں جو ہمارے فوجی اڈوں کو پہنچے ہیں لیکن امریکی عوام کو اس کی اطلاع نہیں دی گئی ہے، ہم یہاں، آنکھیں بند کرکے مار کھا رہے ہیں۔”
یہ بھی پڑھیں : جب ڈانس کروانا ہو تو پورا سعودیہ ریاض بن جاتا ہے۔ جب جنگ ہو تو پورا سعودیہ مکہ بن جاتا ہے
سی بی ایس میڈیا ہاؤس کی اس رپورٹ میں،بتایا گیا ہے کہ مذکورہ امریکی فوجی نے پہلی مارچ 2026 کو کویت کی ” شعیبہ بندرگاہ پر ایران کے مہلک حملے کے بارے میں، جس میں 6 امریکی فوجی ہلاک ہوئے تھے، امریکی وزیر جنگ کے اس بیان کو رد کردیا ہے جس میں انھوں نے ایرانی حملوں کو چند قطرات سے تعبیر کیا تھا۔”
اس رپورٹ کے مطابق مذکورہ امریکی فوجی کا کہنا ہے کہ ” یہ وسیع نقصانات، صرف چند میزائل لگنے سے نہیں ہوئے ہیں۔”
رپورٹ میں بتایا گیا ہے کہ مذکورہ امریکی فوجی نے کہا ہے کہ ” ہم امریکی فوجی اڈوں کا دفاع نہیں کررہے ہیں بلکہ ان کی تباہی کا تماشا دیکھ رہے ہیں۔”
امریکہ کے اس میڈیا ہاؤس نے سعودی عرب کے پرنس سلطان ایئر بیس میں لی گئی ایک تصویر بھی شائع کی ہے جس میں دیکھا جاسکتا ہے کہ ایک میزائل براہ راست امریکہ کے چار انجن والے ایک بوئنگ ای تھری سنٹری (Boeing E-3 Sentry) کے پچھلے حصے پر لگا ہے جس کے نتیجے میں اس کا یہ حصہ جل کر الگ ہوگیا ہے اور اس کے اوپر گھومنے والا رڈار بھی تباہ ہوگیا ہے۔
امریکہ کے سی بی ایس میڈیا ہاؤس نے اس رپورٹ میں لکھا ہے کہ امریکی وزارت جنگ کے انسپکٹر جنرل کے دفتر نے اس ہفتے ایران کے خلاف جنگ کے بارے میں تازہ رپورٹ جاری کی ہے جس میں بتایا گیا ہے کہ امریکی فوج کے 3 ارب 70 کروڑ ڈالر کے جنگی سازوسامان منجملہ 60 ہوائی جہاز تباہ ہوئے ہیں۔
The post ایران کے حملے میں امریکی فوجی اڈوں کی تباہی کی وہ تصاویر جو امریکی ذرائع ابلاغ میں شائع ہوئی ہیں appeared first on شیعہ نیوز پاکستان.
