شیعہ نیوز: سربراہ انصار اللہ سید عبدالملک بدرالدین الحوثی نے کہا ہے کہ سعودی دشمن امریکہ کی حمایت اور اسرائیل کی نگرانی میں خود یمن کے خلاف جارحیت کر رہا ہے۔
رپورٹ کے مطابق انصار اللہ یمن کے سربراہ نے ملک کی تازہ ترین صورت حال پر خطاب کرتے ہوئے کہا ہے کہ سعودی دشمن امریکہ کی حمایت اور اسرائیل کی نگرانی میں خود یمن کے خلاف جارحیت کر رہا ہے۔
انہوں نے مزید کہا کہ میں اللہ تعالیٰ کا شکر ادا کرتا ہوں کہ اس نے ہمارے عزیز عوام کو سعودی عرب کی ظالمانہ جارحیت کے خلاف مقابلے میں بڑی کامیابیاں عطا فرمائی ہیں۔
سعودی عرب یمن کے خلاف جارحیت کے تمام مراحل کا آغاز کرنے والا رہا ہے
یہ بھی پڑھیں : سعودی عرب نے یمن میں 1200 سے زائد مساجد مسمار کر دیں
انصاراللہ کے سربراہ نے کہا کہ کشیدگی میں کمی کے مرحلے کے دوران سعودی عرب نے سنجیدگی سے امن کی جانب پیش قدمی نہیں کی، بلکہ اس موقع سے اپنے اقدامات میں شدت لانے اور تکفیری جنگجوؤں پر مشتمل فوجی دستے تشکیل دینے کے لیے فائدہ اٹھایا۔
سربراہ انصار اللہ نے مزید کہا کہ حالیہ کشیدگی کا آغاز سعودی عرب کی جانب سے صنعا کے ہوائی اڈے پر بمباری سے ہوا اور سعودی عرب ہی جارحیت کے تمام مراحل کا آغاز کرنے والا رہا ہے۔
سید عبد المالک بدر الدین نے کہا کہ گزشتہ 12 برسوں کے دوران یمن کی مسلح افواج اور دوسرے فریق کی افواج کا موازنہ کیا جائے تو واضح ہوجاتا ہے کہ اخلاقی اور دینی اصولوں کی پابندی کس نے کی ہے۔
انہوں نے کہا کہ سعودی عرب نے اپنی جارحیت کے دوران یمن میں ہر چیز کو نشانہ بنایا اور کسی حرمت کا بھی خیال نہیں رکھا۔
The post سعودی دشمن امریکہ کی حمایت اور اسرائیل کی نگرانی میں یمن پر جارحیت کر رہا ہے، سربراہ انصار اللہ appeared first on شیعہ نیوز پاکستان.
