شیعہ نیوز: مصر اور برطانیہ کے وزرائے خارجہ نے غرب اردن میں صیہونی جارحیت پر ردعمل ظاہر کرتے ہوئے تل ابیب کے ان غیرقانونی اقدامات کے انسداد پر زور دیا ہے۔
رپورٹ کے مطابق مصر کے وزیر خارجہ بدر عبدالعاطی نے اپنے برطانوی ہم منصب ایڈ ملی بینڈ سے ٹیلی فون پر گفتگو کرتے ہوئے دریائے اردن کے مغربی کنارے میں صیہونی فوج اور آبادکاروں کی مسلسل دراندازی اور مقبوضہ بیت المقدس اور غزہ پٹی کی صورت حال کا جائزہ لیا۔
یہ بھی پڑھیں : جاپان نے امریکی ٹریژری بانڈز نیلام کر دیے، عالمی مالیاتی نظام میں امریکی غلبے کو چیلنج کا سامنا
القاہرہ الاخباریہ کی رپورٹ کے مطابق، دونوں فریقوں نے فلسطین میں غاصب اسرائیلیوں کے ہاتھوں بڑھتے تشدد پر تشویش ظاہر کی۔
اس موقع پر مصر اور برطانیہ کے وزرائے خارجہ نے امن کے مجوزہ منصوبوں کا بھی جائزہ لیا اور فلسطینی عوام کے حق خودارادیت اور باضابطہ فلسطینی ملک کی تشکیل پر بھی زور دیا۔
قابل ذکر ہے کہ صیہونی حکومت نے غاصب آبادکاروں کے ساتھ ملکر گزشتہ چند ہفتے سے دریائے اردن کے مغربی کنارے میں جارحیت کا سلسلہ بڑھا دیا ہے۔
اس دوران فلسطینی شہروں اور قصبوں پر وحشیانہ حملوں میں شدت آگئی ہے۔
The post مصر اور برطانیہ نے بھی صیہونی جارحیت کو روکنے کے لیے عالمی اقدام پر زور دیا appeared first on شیعہ نیوز پاکستان.
