شیعہ نیوز: شہید رہبر انقلاب آیت اللہ سید علی خامنہ قدس سرہ کے پاکیزہ خون کی برکت سے ایک اور اچھی خبر سامنے آئی ہے ، شیعیان حیدر کرارؑ پاکستان کی دلی آرزوایک بار پھر پوری ہوگئی، تینوں بڑی شیعہ قیادتیں تہران میں سرجوڑ کر بیٹھ گئیں۔
تفصیلات کے مطابق رہبر انقلاب اسلامی شہید آیت اللہ سید علی حسینی خامنہ ای قدس سرہ کے تشییع جنازہ اور آخری رسومات میں شرکت کیلئے ایران کے دارالحکومت تہران میں موجود سربرا ہ شیعہ علماءکونسل علامہ سید ساجد علی نقوی، سربراہ مجلس وحدت مسلمین علامہ راجہ ناصرعباس اور سربراہ تحریک بیداری امت مصطفیٰ علامہ سید جواد نقوی کی اہم ملاقات ہوئی ہے۔
ذرائع کے مطابق تہران کے ایک مقامی ہوٹل میں جہاں یہ تمام قائدین قیام پذیرہیں وہیں یہ خصوصی ملاقات انجام پائی ہے، بعض ذرائع یہ بھی کہنا ہے کہ اس ملاقات کے انعقاد میں دفتر مقام معظم رہبری آیت اللہ العظمیٰ سید مجتبیٰ حسینی خامنہ ای حفظہ اللہ نے بھی اپنا کردار ادا کیا ہے۔
یہ بھی پڑھیں : ایران کے معاملے پر امریکہ اور سعودی عرب کے تعلقات میں شدید کشیدگی، امریکی میڈیا
اس موقع پر تینوں قائدین کے درمیان رہبر شہید کی شہادت اور خطے کے بدلتے ہوئے سیاسی وعسکری حالات کے تناظرمیں پاکستان کے داخلی اور خارجی امور اور امریکہ اورایران کے درمیان مصالحتی کردار کے حوالے سے تفصیلی بات چیت ہوئی ہے۔
اس ملاقات کو موجودہ صورتحال میں انتہائی اہم قرار دیا جارہا ہےاور توقع ظاہر کی جارہی ہے کہ اس کے ثمرات جلد پاکستان میںملاحظہ کیئے جائیں گے۔
The post تہران، علامہ سید ساجد نقوی ، علامہ راجہ ناصرعباس اور علامہ سید جواد نقوی کی خصوصی ملاقات توجہ کا مرکز appeared first on شیعہ نیوز پاکستان.
