شیعہ نیوز: یمن کی سپریم پولیٹیکل کونسل کے رکن محمد علی الحوثی نے کہا ہے کہ امریکہ، سعودی عرب اور ان کے اتحادیوں کے برسوں کے حملے یمنی عوام کے عزم کو کمزور نہیں کر سکے ہیں۔
محمد علی الحوثی نے منگل کے روز اپنے سرکاری سوشل میڈیا پیجز پر پوسٹ کیے گئے ایک پیغام میں کہا ہے اس بات پر زور دیا کہ طویل عرصے سے جاری تصادم اور وسیع پیمانے پر دباؤ اور حملے نہ صرف یمنی عوام کی قوت ارادی کو کمزور نہ کرسکے بلکہ خطے میں نئے مساوات کی تشکیل کا باعث بنے جس نے یمنی مسلح افواج کو مزید طاقتور بنا دیا ہے۔
انہوں نے کہا کہ یمن پر امریکہ، سعودی عرب اور ان کے اتحادیوں کی بمباری، مختلف جرائم کے ارتکاب اور محاصرہ نے یمن کی مزاحمت اور طاقت میں اضافہ ہی کیا ہے۔
یہ بھی پڑھیں : غرب اردن بحرانی حالات کی بابت انتباہ
الحوثی نے مزید کہا کہ دشمنوں کی حکمت عملی یمنی عوام کی مزاحمت کے سامنے ناکام ہو گئی ہے اور فوجی اور اقتصادی دباؤ بھی ہمیں اپنے دفاع اور مقامی دفاعی توانائیوں کے فروغ سے باز نہیں رکھ سکا۔
یمن کی سپریم پولیٹیکل کونسل کے رکن نے یہ بات زور دے کر کہی کہ جنگ جتنی طویل رہے گی، ملک کے عوام اور مسلح افواج اتنی ہی مضبوط اور طاقتور ہوتی جائيں گی۔
انہوں نےکہا کہ دشمنوں کا انجام شکست کے سوا کچھ نہیں ہو گا۔
ان کا یہ بیان یمنی مسلح افواج کی جانب سے ملک کے مختلف علاقوں پر سعودی جارحیت کے جواب میں سعودی عرب کے حساس اہداف کو نشانہ بنانے اور سعودی بندرگاہوں کی ناکہ بندی کے بعد سامنے آیا ہے۔
یمنی مسلح افواج کے ترجمان نے اس بات پر زور دیا ہے کہ وہ اپنے ملک کا 12 سالہ محاصرہ ختم ہونے تک سعودی اہداف حملے جاری رکھیں گے۔
The post جنگ اور محاصرے نے یمن کو مضبوط بنایا دیا ہے، رکن سپریم پولیٹیکل کونسل appeared first on شیعہ نیوز پاکستان.
