شیعہ نیوز: ایرانی اسپیکر محمد باقر قالیباف نے قشم میں شہری آبادی پر حملے کو دہشت گردی قرار دیتے ہوئے کہا کہ امریکہ میدان جنگ کی ناکامی کا بدلہ معصوم شہریوں سے لیتا ہے۔
رپورٹ کے مطابق محمد باقر قالیباف نے کہا کہ امریکہ ہر روز اپنے ہاتھ ایک نئے جرم سے آلودہ کر رہا ہے۔ جزیرۂ قشم میں عام شہریوں کے رہائشی گھروں پر دہشت گردانہ حملہ، میناب اور لامرد میں ہونے والے جرائم کا تسلسل ہے۔
یہ بھی پڑھیں : حملوں کے باوجود امریکہ اور ایران میں مذاکرات کا سلسلہ جاری ہے، پاکستان
انہوں نے مزید کہا کہ امریکی اس بات کے عادی ہو چکے ہیں کہ میدانِ جنگ میں ملنے والے تھپڑوں کا بدلہ بے گناہ لوگوں کا خون بہا کر لیتے ہیں۔ انہیں اس کی قیمت چکانا پڑے گی۔
قالیباف کے اس بیان میں جزیرۂ قشم، میناب اور لامرد میں ہونے والے حملوں کی شدید مذمت کی گئی ہے اور امریکہ کو ان کارروائیوں کا ذمہ دار قرار دیا گیا ہے۔
The post بے گناہوں کا خون بہانے والوں کو اپنے جرائم کی قیمت چکانی پڑے گی، محمد باقر قالیباف appeared first on شیعہ نیوز پاکستان.
