شیعہ نیوز: امریکی عہدیداروں کا بتانا ہے کہ واشنگٹن رواں ہفتےکے آخر میں ایران پر تازہ حملوں کی منصوبہ بندی کر رہا ہے۔
غیر ملکی میڈیا نے دو امریکی عہدیداروں کے حوالے سے بتایا کہ تازہ حملوں میں ایرانی توانائی انفرااسٹرکچرکونشانہ بنانےکا آپشن موجود ہے، امریکا کے ممکنہ حملوں میں اسرائیل کی شمولیت کا کوئی اشارہ نہیں ملا۔
میڈیا رپورٹ کے مطابق امریکی سینٹرل کمانڈ نے جنگ کو وسعت دینے کے لیے آپشنز تیار کرلیے ہیں، تازہ آپشنز میں ایران کے میزائل تنصیبات پر دو ہفتوں تک شدید بمباری بھی شامل ہے۔
یہ بھی پڑھیں : جنرل عبداللّہی: امریکہ کی دفاعی سپر بننے والا ہر ملک آتش جنگ کا شکار ہوگا
رپورٹ میں کہا گیا ہے کہ امریکی فوج نے ایران کےجوہری تنصیبات کو نشانہ بنانے کے لیے متعددحملوں کی تیاری کرلی ہے، تازہ حملوں میں تہران کے جنوب میں پکیکس ماؤنٹین کو بھی نشانہ بنایاجا سکتا ہے، گزشتہ چند دنوں میں ایران پرحملےکےلیےامریکی تیاریوں کی رفتار میں تیزی آئی ہے۔
خیال رہے امریکی صدر ڈونلڈ ٹرمپ بھی ایران پر تازہ حملوں کے احکامات جاری کر چکے ہیں جبکہ ایران نے ردعمل میں امریکا کو خبردار کرتے ہوئے کہا ہے کہ کسی بھی کارروائی کے نتائج بھگتنا پڑیں گے۔
The post امریکا رواں ہفتے کے آخر میں ایران پر تازہ حملوں کی منصوبہ بندی کر رہا ہے: رپورٹ appeared first on شیعہ نیوز پاکستان.
