شیعہ نیوز: فلسطینی وزارت صحت نے جمعرات کے روز اعلان کیا ہے کہ قابض اسرائیل کی مسلسل جارحیت کے نتیجے میں گذشتہ چوبیس گھنٹوں کے دوران غزہ کی پٹی کے ہسپتالوں میں ایک شہید اور سات زخمی لائے گئے ہیں۔
وزارت نے اپنے ایک بیان میں کہا ہے کہ متعدد متاثرین اب بھی ملبے تلے اور سڑکوں پر موجود ہیں جبکہ ایمبولینس اور شہری دفاع کا عملہ اب تک ان تک پہنچنے سے قاصر ہے۔
یہ بھی پڑھیں : حماس وسیع ترین قومی اتحاد کے ساتھ انتخابات میں حصہ لے گی، حسام بدران
اسرائیلی فوج نے غزہ کے مختلف علاقوں میں ایک بار پھر توپ خانے سے گولہ باری اور فائرنگ کی، جو کہ جنگ بندی کے معاہدے کی میدانی خلاف ورزیوں کا تسلسل ہے۔
ایک مقامی ذرائع نے اطلاع دی ہے کہ اسرائیلی توپ خانے نے پٹی کے وسط میں واقع پناہ گزین کیمپ البریج کے مشرقی اور شمال مشرقی علاقوں کو نشانہ بنایا، جبکہ اس دوران علاقے میں توپ خانے کی گولہ باری کا سلسلہ بھی جاری رہا۔
اسرائیلی ٹینکوں نے غزہ کے شمال میں واقع شہر بیت لاھیا کے مغربی علاقوں کی سمت اپنی گولیاں اور گولے داغے۔
شہر غزہ میں ذرائع نے بتایا کہ شہر کے مشرق میں اسرائیلی جنگی گاڑیوں کی جانب سے فائرنگ کی گئی، جبکہ مشرقی علاقوں کو توپ خانے کی گولہ باری کا نشانہ بنایا گیا۔ اسی دوران شہر کے مشرق میں واقع محلہ التفاح میں اسرائیلی ٹینکوں کی جانب سے شدید فائرنگ کی گئی۔ علاوہ ازیں اسرائیلی بحری جنگی کشتیوں نے شہر غزہ کے سمندری ساحل کی سمت بھی فائرنگ اور گولہ باری کی۔
چشم دید گواہوں نے بتایا کہ شہر خان یونس کے شمال مشرق میں واقع علاقوں کو اسرائیلی توپ خانے کی گولہ باری کا نشانہ بنایا گیا، جبکہ شہر کے مشرقی علاقوں کی سمت اسرائیلی ٹینکوں کی جانب سے شدید فائرنگ کی گئی۔
سات اکتوبر سنہ 2023ء کو جارحیت کے آغاز سے لے کر اب تک شہداء کی تعداد تہتر ہزار تین سو چھیاسی ہو چکی ہے، جبکہ زخمیوں کی کل تعداد ایک لاکھ چہتر ہزار دو سو چھپن ہے، جو قطاع پر جاری جارحیت کے نتیجے میں ہونے والے وسیع پیمانے پر جانی نقصان کے حجم کو ظاہر کرتی ہے۔
The post مسلسل خلاف ورزیاں، غزہ میں ایک اور فلسطینی شہید ، سات زخمی appeared first on شیعہ نیوز پاکستان.
