شیعہ نیوز: ایران کی قومی اسمبلی مجلس شورائے اسلامی کے اسپیکر محمد باقر قالیباف نے اعلان اسلام آباد پر علمدرآمد کی ضرورت پر زور دیتے ہوئے کہا ہے کہ ایران کی اقتصادی ناکہ بندی کا امریکی بھی منصوبہ ناکام رہے گا۔
رپورٹ کے مطابق جمعرات کی شام قطر کے وزیر اعظم اور وزیر خارجہ سے تہران میں بات چیت کرتے ہوئے محمد باقر قالیباف نے کہا کہ ٹرمپ انتظامیہ کے فیصلے غلط معلومات کی بنیاد پر استوار ہیں۔
یہ بھی پڑھیں : جنوبی شام میں صہیونی جارحیت جاری، توپ خانے کی گولہ باری کے بعد زمینی دراندازی
انہوں نے کہا کہ امریکہ غلط اندازوں اور تخمینوں کی بنیاد پر نہ صرف ایرانی عوام کے مفادات کو نشانہ بنانے بنا رہا ہے بلکہ خطے میں بدامنی کو مسلسل ہوا دینے کے ساتھ ساتھ اپنے مالی، فوجی اور انسانی وسائل کو بھی برباد کر رہا ہے۔
اسپیکر محمد باقر قالیباف نےاقتصادی ناکہ بندی کے منصوبے کو امریکہ کی ایران دشمنی کی ایک اور مثال قرار دیتے ہوئے کہا کہ امریکہ کا یہ حربہ بھی ناکام رہے گا۔
انہوں نے کہا کہ ایران کے عوام عزت و سربلندی کے ساتھ اپنے حقوق واپس لینے میں کامیاب ہوں گے اور آخر کار امریکہ ہی کو اعلان اسلام آباد کے تحت اپنے وعدوں پر عملدرآمد کرنا پڑے گا۔
قطر کے وزیر اعظم اور وزیر خارجہ محمد بن عبدالرحمن آل ثانی نے اس موقع پر آبنائے ہرمز میں جہاز رانی کے حوالے سے ایران اور عمان کے درمیان مفاہمت کا خیرمقدم کرتے ہوئے امید ظاہر کی کہ موجودہ سفارتی کوششیں خطے میں امن و استحکام کی بحال میں مددگار ثابت ہوں گی۔
The post امریکہ کو اعلان کی شرائط پوری کرنا ہوں گی، اسپیکر ایران باقر قالیباف appeared first on شیعہ نیوز پاکستان.
