شیعہ نیوز: ایک اسرائیلی اخبار نے دمشق پر صیہونی فوج کے حملے کی سازش کا انکشاف اور اعلان کیا ہے کہ یہ تجویز صیہونی حکومت کے آرمی چیف کی حالیہ ملاقات کے دوران پیش کی گئی۔
رپورٹ کے مطابق اسرائیلی اخبار «واللا» نے صیہونی حکومت کے فوجی ذرائع کے حوالے سے انکشاف کیا ہے کہ اس حکومت کے فوجیوں کے سامنے دمشق پر حملے کی تجویز پیش کی گئی ہے اور یہ انکشاف شام میں صیہونی حکومت کی فوجی جارحیت کی رپورٹ کے دوران کیا گیا ہے۔
یہ بھی پڑھیں : امریکی صدر ٹرمپ متضاد بیانات یمن کی صلاحیتوں کا اعتراف، انصاراللہ
صہیونی حکومت کے ایک فوجی ذریعے نے بتایا ہے کہ اس حکومت کا فوجی ادارہ شام کے اندر کارروائیوں کے دائرے کو وسعت دینے اور وہاں کے دیہاتوں اور مختلف علاقوں میں داخلے کو ضروری سمجھتا ہے تاکہ وہ اپنے خلاف مبینہ “معاندانہ عزائم” کا سد باب کر سکے۔
اس ذریعے نے مزید بتایا کہ شام میں دراندازی اس مقصد سے کی جا رہی ہے کہ خطرات پر نظر رہے اور خطرات کو مقبوضہ علاقوں کی سرحد سے پہلے ہی روکا جا سکے۔
The post اسرائیلی اخبار کے دمشق پر حملے کی سازش بے نقاب appeared first on شیعہ نیوز پاکستان.
