شیعہ نیوز: لاہور پولیس نے بانی پی ٹی آئی عمران خان کی بہن علیمہ خان کو حراست میں لے لیا۔ علیمہ خان زمان پارک گھر سے جم خانہ جانے کیلئے نکلی تھیں، کہ تھوڑی دور پولیس نے حراست میں لے لیا۔
پولیس ذرائع کا کہنا ہے کہ علیمہ خان کو تھری ایم پی او کے تحت حراست میں لیا گیا ہے۔ پولیس نے علیمہ خان کو کوٹ لکھپت جیل اور ان کی گاڑی کو تھانے منتقل کر دیا۔
ذرائع کا کہنا ہے کہ لاہور پولیس نے ڈپٹی کمشنر لاہور کو ڈیٹینشن آرڈر کی درخواست کی تھی، جس پر ڈی سی کی جانب سے ڈیٹینشن آرڈر جاری ہونے کے بعد گرفتار کرلیا گیا ہے۔
پی ٹی آئی ذرائع کا کہنا ہے کہ 27 ستمبر کے احتجاج کو روکنے کیلئے پولیس اوچھے ہتھکنڈے استعمال کر رہی ہے، اس کے باوجود احتجاج ہوگا۔
سربراہ ایم ڈبلیوایم و قائد حزب اختلاف سینیٹ علامہ راجہ ناصرعباس نے بھی علیمہ خان کی بلاجواز گرفتاری کی پرزور مذمت کرتے ہوئے ان کی فوری رہائی کا مطالبہ کیا ہے۔
The post لاہور، بانی پی ٹی آئی عمران خان کی ہمشیرہ علیمہ خان کو گرفتار کرلیا گیا appeared first on شیعہ نیوز پاکستان.
