شیعہ نیوز: ایک برطانوی میڈیا نے دعویٰ کیا ہے کہ امریکہ غزہ میں کثیرالقومی افواج کی تعیناتی کے لیے ایک فوجی اڈہ بنانے کا ارادہ رکھتا ہے۔
برطانوی اخبار گارڈین نے اپنی ایک رپورٹ میں لکھا ہے کہ غزہ امن بورڈ کی دستاویزات سے پتہ چلتا ہے کہ ٹرمپ کی انتظامیہ اس علاقے میں 5000 فوجیوں کی گنجائش والا فوجی اڈہ بنانے کا ارادہ رکھتی ہے۔
رپورٹ کے مطابق اس فوجی اڈے کو کثیر القومی افواج کے ہیڈ کوارٹر کے طور پر منصوبہ بنایا گیا ہے جو غزہ امن بورڈ کی نگرانی میں کام کریں گی۔
یہ بھی پڑھیں : محکمہ داخلہ پنجاب کی کالعدم تنظیموں کو خیرات نہ دینے کی تلقین ،اہلسنت والجماعت اور سپاہ صحابہ بھی شامل
غزہ امن بورڈ ایک ایسا ادارہ ہے جسے امریکی صدر نے 2026 میں غزہ میں جنگ بندی اور تعمیر نو کے عمل کو تیز کرنے کے بہانے قائم کیا تھا۔ یہ بورڈ ابتدائی طور پر غزہ میں جنگ بندی کے نفاذ کی نگرانی اور ٹرمپ کے 20 نکاتی امن منصوبے کی حمایت کے مقصد سے قائم کی گیا تھا، لیکن بعد میں اسے اقوام متحدہ کے متبادل کے طور پر پیش کی جانے لگا جس دنیا کے بہت ملکوں نے اپنے تحفظات کا اظہار کیا ہے۔
بہت سے یورپی ملکوں نے ٹرمپ امن بورڈ میں شمولیت سے انکار کر دیا ہے۔
ٹرمپ کے امن بورڈ کی مستقل رکنیت کے لیے 1 بلین ڈالر کی رقم ادا کرنا ہوگي۔
یورپی ممالک اور اداروں نے موجودہ بین الاقوامی نظام کے ممکنہ کمزور ہونے اور ٹرمپ کی امن کونسل میں طاقت کے ارتکاز پر تشویش کا اظہار کیا ہے۔ ناقدین نے خبردار کیا ہے کہ مجوزہ ڈھانچہ اقوام متحدہ کے کردار کو کمزور کر سکتا ہے اور ٹرمپ اور ان کے قریبی اتحادیوں کو وسیع اختیارات دے سکتا ہے۔
مذکورہ بورڈ کا آج واشنگٹن میں اجلاس ہونے والا ہے جس میں غزہ سے متعلق امور پر تبادلہ خیال کیا جائے گا، جس میں جنگ بندی کو یقینی بنانا اور شہر میں بین الاقوامی افواج کی تعیناتی شامل ہے۔
The post امریکی صدر ٹرمپ کا غزہ میں امریکی فوجی اڈہ بنانے کا فیصلہ appeared first on شیعہ نیوز پاکستان.
