شیعہ نیوز: وزیراعظم شہباز شریف کے مشیر برائے سیاسی امور رانا ثنا اللہ نے کہا ہے کہ وزیراعظم کی کل ایرانی صدر سے گفتگو ہوئی اور اسی سلسلے میں سعودی عرب گئے، امید ہے معاملات بہتر ہوں۔
رانا ثنا اللہ نے کہا کہ ہماری قیادت پوری طرح سے مسلم ممالک کے ساتھ رابطے میں ہے۔
انہوں نے کہا کہ وزیراعظم کی کل ایرانی صدر سے گفتگو ہوئی اور اسی سلسلے میں سعودی عرب گئے، سعودی عرب کے ساتھ ہم دفاعی معاہدے میں ہیں اور ہم اس کے پابند ہیں، امید ہے کہ کل کے سعودی عرب اور ایرانی صدر سے بات کے بعد معاملات بہتر ہوں۔
یہ بھی پڑھیں : لبنان میں جو کچھ ہو رہا ہے وہ امریکی و اسرائیلی جارحیت کے خلاف آئینی دفاع کی جنگ ہے، شیح نعیم قاسم
انہوں نے کہا کہ افغانستان پر نہ قبضہ کرنا نہ ان کا نقصان چاہتے ہیں ہم تو اپنا نقصان ہونے سے روکنا چاہتے ہیں۔
خیال رہے کہ دو روز قبل وزیراعظم شہباز شریف اور ایرانی صدر مسعود پزشکیان کے درمیان ٹیلیفونک رابطہ ہوا تھا اور گزشتہ روز شہباز شریف ایک روزہ دورے پر سعودی عرب گئے تھے جہاں ان کی ولی عہد محمد بن سلمان سے ملاقات ہوئی تھی۔
The post وزیراعظم کی ایرانی صدر سے گفتگو ہوئی، اسی سلسلے میں سعودی عرب گئے: رانا ثنا appeared first on شیعہ نیوز پاکستان.
