شیعہ نیوز: سعودی عرب کے پرنس سلطان ایئر بیس پر ایران کے میزائل حملے میں امریکی فضائیہ کے پانچ ری فیولنگ طیارے زمین پر ہی نشانہ بن گئے۔
بین الاقوامی میڈیا رپورٹس کے مطابق طیارے مکمل تباہ نہیں ہوئے، ان کی مرمت جاری ہے، حملوں میں کسی جانی نقصان کی اطلاع نہیں ملی، اس حملے کے بعد امریکی فضائیہ کے متاثر یا تباہ ہونے والے ری فیولنگ طیاروں کی مجموعی تعداد کم از کم 7 ہو گئی۔
ایران کی جانب سے عراقی دارالحکومت بغداد میں امریکی سفارت خانے کے کمپاؤنڈ میں ہیلی پیڈ پر بھی میزائل حملہ کیا گیا ہے۔
یہ بھی پڑھیں : صدر ایران کا یوم قدس کی ریلیوں میں بھرپور شرکت پر قوم اسے اظہار تشکر
ایرانی میڈیا کے مطابق خودکش ڈرون سے امریکی سفارت خانے کے ایئرڈیفنس سسٹم کو نشانہ بنایا۔
ترجمان ایرانی پاسداران انقلاب گارڈز کا کہنا ہے کہ خطےمیں امریکی فوج کے 3 مقامات کو نشانہ بنایا گیا، امریکا نے عراق میں اپنے ری فیولنگ طیارہ گرنے اور طیارے میں سوار تمام 6 امریکی فوجی اہل کاروں کی ہلاکت کی تصدیق کر دی ہے۔
ایران کی جانب سے امریکا کے طیارہ بردار جہاز ابراہم لنکن کو بھی میزائل حملوں سے شدید نقصان پہنچانے کا دعویٰ کیا گیا ہے۔
ایران نے دعویٰ کیا ہے کہ اس نے بحرین میں بھی امریکی بیس کو نشانہ بنایا ہے۔
The post سعودی اڈے پر ایرانی میزائل حملے میں امریکی فضائیہ کے 5 طیارے تباہ appeared first on شیعہ نیوز پاکستان.
