شیعہ نیوز: امریکی صیہونی جارحیت کے جواب میں ایران کے آپریشن وعدہ صادق 4 کے 54 ویں لہر میں پہلی مرتبہ سجیل میزائل جنگ میں داخل ہو گیا ہے۔ سپاہ پاسداران انقلاب نے آپریشن وعدہ صادق 4 کی 54 ویں لہر شروع کرنے کا اعلان کرتے ہوئے کہا ہے کہ اس جنگ میں پہلی مرتبہ سجیل میزائل (ٹھوس ایندھن والا اسٹریٹجک میزائل) استعمال کیا گیا ہے۔ پاسدارانِ انقلاب کے شعبۂ تعلقات عامہ نے اتوار کے روز اعلان کیا کہ اس لہر میں “خرمشہر” کے انتہائی بھاری میزائل (جن کے وارہیڈ کا وزن تقریباً دو ٹن بتایا جاتا ہے)، اس کے علاوہ قدر، خیبر شکن اور عماد میزائل بھی استعمال کیے گئے۔ بیان کے مطابق ان حملوں میں اسرائیلی فضائی کارروائیوں پر اثر انداز ہونے والے انتظامی اور فیصلہ سازی کے مراکز، فوجی و دفاعی صنعتوں سے متعلق اہم انفراسٹرکچر اور اسرائیلی فوج کے اجتماعات کو کامیابی کے ساتھ نشانہ بنایا گیا۔
پاسدارانِ انقلاب نے کہا کہ یہ کارروائی شہید مہدی باکری اور حامد باکری سمیت دریائے دجلہ کے مشرق میں شہید ہونے والوں کی یاد کو خراجِ عقیدت پیش کرنے کے طور پر انجام دی گئی۔ دوسری جانب اسرائیلی میڈیا کے مطابق آج پہلی بار استعمال ہونے والے سجیل میزائل کی مار تقریباً 2500 کلومیٹر تک بتائی جاتی ہے۔ اسی دوران تل ابیب اور اس کے اطراف میں مقبوضہ فلسطینی علاقوں میں خطرے کے سائرن بج اٹھے۔اسرائیلی ذرائع ابلاغ کے مطابق تل ابیب کے قریب ایک میزائل براہِ راست گرا، جبکہ بعض اطلاعات میں کہا گیا ہے کہ اسرائیل میں امریکی قونصلیٹ کی رہائشی عمارت کو ایرانی میزائل کے ٹکڑوں سے نقصان پہنچا۔ اسرائیلی میڈیا نے مزید بتایا کہ کم از کم ایک اسرائیلی شہری میزائل کے ٹکڑوں کے گرنے سے وسطی علاقے میں زخمی ہوا، جبکہ اسرائیلی ایمرجنسی سروس کے مطابق جنوبی تل ابیب پر ایرانی میزائل حملے کے نتیجے میں تین اسرائیلی زخمی ہوئے۔
The post آپریشن وعدہ صادق 4 کی 54ویں لہر، پہلی مرتبہ سجیل میزائل کا استعمال appeared first on شیعہ نیوز پاکستان.
