شیعہ نیوز: سوئٹزرلینڈ نے ایران کے خلاف جنگ کے لئے اپنی فضائی حدود کو استعمال کرنے کی امریکی درخواست قبول کرنے سے انکار کردیا۔ ارنا کی رپورٹ کے مطابق سوئٹزرلینڈ کی حکومت نے ایک بیان جاری کرکے کہا ہے کہ اس کو امریکہ کی طرف سے ملک کی فضائی حدود سے استفادہ کرنے کی 5 فوجی اور سیاسی درخواستیں موصول ہوئی ہیں۔ بیان کے مطابق سوئٹزرلینڈ کی حکومت نے اپنے غیر جانبدارانہ قانون کی بنیاد پر امریکہ کی 2 درخواستیں مسترد کرتے ہوئے 3 درخواستیں قبول کرلی ہیں۔ سوئس حکومت نے اپنے بیان میں کہا ہے کہ ہمارا غیر جانبدارانہ قانون فوجی مقاصد کے لئے متحارب فریقوں کو سوئس فضائی حدود استعمال کرنے کی اجازت نہیں دیتا۔ بیان کے مطابق سوئس قانون انسان دوستانہ معاملات، زخمی افراد کی منتقلی یا ایسے معاملات کی اجازت دیتا ہے جو جنگ سے متعلق نہ ہوں۔
The post ایران کیخلاف جنگ، سوئٹزر لینڈ نے فضائی حدود کو استعمال کرنے کی امریکی درخواست مسترد کردی appeared first on شیعہ نیوز پاکستان.
