شیعہ نیوز: ایران کی سپریم نیشنل سکیورٹی کونسل نے منگل کی شام نیشنل سکیورٹی کونسل کےسربراہ علی لاریجانی کی شہادت کا اعلان کرتے ہوئے بتایا ہے کہ انہوں نے جاری واقعات کے تناظر میں میدانِ خدمت میں اپنی جان جانِ آفریں کے سپرد کی۔
رپورٹ کے مطابق کونسل نے ایک بیان میں کہا کہ لاریجانی نے اپنی تمام عمر ایران اور اس کے انقلاب کی خدمت میں وقف کر دی تھی، بیان میں اس بات کی تصدیق کی گئی ہے کہ انہوں نے اپنے صاحبزادے مرتضیٰ لاریجانی اور کونسل کے سیکرٹریٹ میں ایک سکیورٹی معاون سمیت متعدد ساتھیوں کے ہمراہ شہادت کا رتبہ پایا۔
بیان میں مزید کہا گیا ہے کہ لاریجانی کی شہادت ایک جہادی سفر کا حصہ ہے اور اس بات پر زور دیا گیا کہ یہ پیش رفت قوم کے ثبات اور عزم میں اضافے کا ہی باعث بنے گی۔
کونسل کے بیان میں شہادت کے مقام یا حالات کے بارے میں مزید تفصیلات فراہم نہیں کی گئیں۔
یہ بھی پڑھیں : قابض اسرائیلی سفاکیت: مغربی کنارے سے 16 خواتین سمیت متعدد فلسطینی گرفتار
واضح رہے کہ لاریجانی وہ اعلیٰ ترین ایرانی شخصیت ہیں جنہیں گذشتہ 28 فروری کو جنگ کے پہلے ہی روز علی خامنہ ای کے بعد قابض اسرائیل نے نشانہ بنایا ہے۔
سلیمانی کی شہادت
اسی طرح ایرانی پاسدارانِ انقلاب نے باسیج فورس کے کمانڈر سلیمانی کی شہادت پر بھی تعزیت کا اظہار کیا ہے، پاسدارانِ انقلاب نے اپنے بیان میں کہا کہ ہمارے شہدا کا خون ہماری قوم اور تمام باسیج مجاہدین کے ارادوں کو مہمیز دے گا تاکہ وہ مزاحمت کی راہ جاری رکھیں اور عالمی استکبار و صہیونیت کا مقابلہ کر سکیں۔
یاد رہے کہ باسیج فورس (جس کا فارسی میں مطلب رضاکار فورس ہے) سنہ 1979ء کے آخر میں آیت اللہ خمینی کی اپیل پر قائم کی گئی تھی۔
اس فورس کا بنیادی کردار جنگ کی صورت میں اندرونی محاذ کا تحفظ کرنا ہے، جبکہ امن کے دور میں یہ ملک میں سماجی اقدار کے نفاذ، گزرگاہوں، چوکیوں اور عوامی مقامات پر اخلاقی پولیس کے طور پر کام کرنے کے ساتھ ساتھ قدرتی آفات کے وقت بھی خدمات انجام دیتی ہے۔
ٹارگٹ کلنگ کا تسلسل
ایران کے خلاف جنگ کے آغاز اور رواں ماہ 2 مارچ سے لبنان میں اس کے پھیلاؤ کے بعد سے قابض اسرائیل ایران اور حزب اللہ کے اہم عہدیداروں کو مسلسل نشانہ بنا رہا ہے۔
قابض اسرائیل کے چینل 12 نے منگل کے روز اس بات کی تصدیق کی ہے کہ بنجمن نیتن یاھو اور وزیر دفاع یسرائیل کاٹز نے فوج کو ایران اور حزب اللہ کے اعلیٰ حکام کو فوری طور پر ختم کرنے کی ہدایات جاری کر دی ہیں۔
رپورٹ میں واضح کیا گیا ہے کہ ان ہدایات کے مطابق فوج کو ایران اور حزب اللہ کے سینئر حکام کو قتل کرنے کے لیے کسی پیشگی سیاسی منظوری کی ضرورت نہیں ہوگی۔
The post علی لاری جانی امریکہ اور صہیونی فوج کے بزدلانہ حملے میں بیٹے سمیت شہید: ایران نے تصدیق کردی appeared first on شیعہ نیوز پاکستان.
