شیعہ نیوز: حلقہ 5 نگر میں مجلس وحدت مسلمین اور پاکستان تحریک انصاف کا بڑا سیاسی پاور شو، مشترکہ امیدوار ریاض اکبر کی انتخابی مہم کا آغازنگر
حلقہ 5 نگر میں مجلس وحدت مسلمین اور پاکستان تحریک انصاف کی جانب سے مشترکہ امیدوار ریاض اکبر کی انتخابی مہم بھرپور انداز میں شروع کردی گئی۔
اس سلسلے میں حلقہ بھر میں انتخابی کمپین آفسز کے افتتاح کے موقع پر بڑے سیاسی پاور شو کا مظاہرہ کیا گیا۔
مجلس وحدت مسلمین اور پاکستان تحریک انصاف کے کارکنان اور رہنماؤں نے شایار سے ہوپر تک سینکڑوں گاڑیوں پر مشتمل ایک بڑی ریلی نکالی، جس میں صوبائی و ضلعی قیادت سمیت ہزاروں کارکنان نے شرکت کی۔
یہ بھی پڑھیں : پیپلز پارٹی کے بانی رہنما وزیر غلام عباس ساٹھ سالہ رفاقت چھوڑکرسینکڑوں حامیوں سمیت ایم ڈبلیوایم میں شامل، کاظم میثم کی حمایت کا اعلان
ریلی کے شرکاء نے پارٹی پرچم اٹھا رکھے تھے جبکہ مختلف مقامات پر کارکنان کی جانب سے پرتپاک استقبال بھی کیا گیا۔
رہنماؤں کا کہنا تھا کہ ریاض اکبر حلقہ 5 نگر کے عوام کی حقیقی آواز ہیں اور عوامی حمایت ان کی کامیابی کی ضمانت بن چکی ہے۔
انہوں نے کہا کہ دونوں جماعتوں کا اتحاد علاقے میں مثبت سیاسی تبدیلی اور عوامی مسائل کے حل کے لئے اہم کردار ادا کرے گا۔
ریلی مختلف علاقوں سے گزرتی ہوئی ہوپر پہنچی جہاں انتخابی جلسے اور کارنر میٹنگز کا بھی انعقاد کیا گیا۔
مقررین نے کارکنان پر زور دیا کہ وہ گھر گھر جاکر انتخابی مہم کو مزید مؤثر بنائیں۔
The post حلقہ 5نگرکی انتخابی سیاست میں ہلچل، ایم ڈبلیوایم اور پی ٹی آئی کے متفقہ امیدوار ریاض اکبر کی شاندار انٹری appeared first on شیعہ نیوز پاکستان.
