حوزه/نسب جب معرفت سے روشن ہو، علم جب عمل سے آراستہ ہو اور محبت جب وفاداری کا پیکر بن جائے تو شخصیت محض تاریخ کا حصہ نہیں رہتی، بلکہ تاریخ کے لئے ایک روشن معیار بن جاتی ہے۔ حضرت عبدالعظیم حسنی علیہ السلام ایسی ہی عظیم المرتبت شخصیت ہیں۔ حضرت عبدالعظیم حسنی علیہ السلام خاندانِ رسالتؐ سے تعلق رکھنے والے جلیل القدر عالم، محدث اور اہل بیت علیہم السلام کے وفادار پیرو تھے۔ آپ کا سلسلۂ نسب امام حسن مجتبیٰ علیہ السلام تک پہنچتا ہے۔ تاہم آپ کی عظمت صرف نسب کی نسبت تک محدود نہیں؛ آپ کی شخصیت علم، تقویٰ، معرفتِ امام اور ولایتِ اہل بیت علیہم السلام سے وفاداری کا حسین امتزاج تھی۔
