شیعہ نیوز: ضلع جھنگ کوٹ شاکر کے مدرسے میں 12 سالہ طالب علم سے جنسی زیادتی، پولیس نے رپورٹ درج کر لی ،ضلع جھنگ کی تحصیل کوٹ شاکر کے موضع چاندنا میں کالعدم تحریک لبیک پاکستان کےزیر اہتمام چلنے والے اقامتی مدرسہ حمید الاسلام میں قرآن مجید حفظ کرنے والے 12 سالہ طالب علم سے مبینہ جنسی زیادتی کا واقعہ سامنے آنے کے بعد پولیس نے باضابطہ رپورٹ درج کر لی ہے۔
تھانہ کوٹ شاکر کی رپورٹ (نمبر KS-11/09/2026-510 بتاریخ 11 ستمبر 2026) کے مطابق متاثرہ بچہ مدرسے میں رہائشی طالب علم تھا۔
رپورٹ میں الزام عائد کیا گیا ہے کہ مدرسے سے وابستہ امام مسجد نے بچے کے ساتھ مبینہ طور پر ناجائز حرکت کی۔رپورٹ میں بتایا گیا ہے کہ واقعے کی اطلاع ملنے کے بعد پولیس نے کارروائی شروع کر دی ہے۔
یہ بھی پڑھیں : مکہ مکرمہ کے قریب مبینہ ڈرون حملہ، حوثیوں نے سعودی دعویٰ مسترد کردیا
متاثرہ بچے کا طبی معائنہ کرایا گیا ہے اور قانونی کارروائی کے لیے ضروری اقدامات کیے جا رہے ہیں۔ مقدمہ تعزیرات پاکستان کی متعلقہ دفعات (بشمول دفعہ 376iii) کے تحت درج کیا گیا ہے۔
اہل علاقہ میں اس افسوسناک واقعے پر شدید تشویش پایا جا رہا ہے۔ مقامی لوگوں کا مطالبہ ہے کہ تفتیش شفاف طریقے سے کی جائے اور ملزم کو قانون کے مطابق سخت سزا دی جائے۔
پولیس ذرائع کا کہنا ہے کہ تحقیقات جاری ہیں اور تمام متعلقہ افراد سے بیانات قلمبند کیے جا رہے ہیں۔
The post شیعوں کو کافر کہنے والےکالعدم ٹی ایل پی کے مولوی کی مدرسے میں 12 سالہ طالب علم سے جنسی زیادتی appeared first on شیعہ نیوز پاکستان.
