شیعہ نیوز: قائد ملت جعفریہ پاکستان علامہ مفتی جعفر حسینؒ کی 43ویںبرسی آج منائی جا رہی ہے۔ آپ کا شمار پاکستان کے معروف علماء میں ہوتا ہے، مرحوم مفتی جعفر حسین اتحاد بین المسلمین کے داعی، خطیب بے بدل، عالم باعمل، مصنف، مترجم اور سیاسی و سماجی شخصیت تھے۔ 1979 میں بھگر میں مفتی جعفر حسینؒ کو قائد ملت جعفریہ منتخب کیا گیا۔ مفتی جعفر حسینؒ نے 29 اگست 1983 کو وفات پائی۔ مرحوم کو کربلا گامے شاہ لاہور میں سپرد خاک کیا گیا۔
یہ بھی پڑھیں : سینیٹرعلامہ راجہ ناصرعباس سے متحدہ عرب امارات کی معروف کاروباری شخصیت، قانونی ماہر اور سرمایہ کار ڈاکٹر بو عبداللہ کی ملاقات
43ویں برسی کے موقع پرامامیہ سکاوٹس کے دستے نے مرحوم کی قبر پرحاضری دی، پھولوں کی چادر چڑھائی، فاتحہ خوانی کی اور سلامی پیش کی۔ اس موقع پر گفتگو کرتے ہوئے طلبہ رہنماوں کا کہنا تھا کہ مرحوم مفتی جعفر حسینؒ ملی وقومی خدمات کو ہمیشہ یاد رکھا جائے گا۔ انہوں نے کہا کہ مفتی جعفرحسینؒ کی قیادت میں ہی ملت جعفریہ نے ضیاالحق جیسے آمر کو گھٹنے ٹیکنے پر مجبور کر دیا تھا۔
The post قائد ملت جعفریہ پاکستان علامہ مفتی جعفر حسینؒ کی 43ویں برسی آج منائی جا رہی ہے appeared first on شیعہ نیوز پاکستان.
