حوزه/پاکستان 14 اگست 1947 ء کو ایک ایسے نظریے کے ساتھ دنیا کے نقشے پر ابھرا جس کی بنیاد برصغیر کے مسلمانوں کی سیاسی، تہذیبی اور مذہبی شناخت کے تحفظ پر رکھی گئی تھی۔ قیامِ پاکستان کے بعد یہ توقع کی جا رہی تھی کہ ایک ایسا نظامِ حکومت تشکیل پائے گا جو اسلامی اقدار، جمہوری اصولوں، عدل و انصاف، مساوات اور عوامی نمائندگی کو یکجا کرے گا۔ لیکن تقریباً آٹھ دہائیاں گزرنے کے باوجود پاکستان سیاسی عدم استحکام، ادارہ جاتی کشمکش، معاشی بحران اور حکمرانی کے مسائل سے مکمل طور پر نجات حاصل نہیں کر سکا۔
