شیعہ نیوز: گلگت بلتستان کے ضلع چلاس سے تعلق رکھنے والے کالعدم تنظیم کے عہدیدار کی جانب سے سوشل میڈیا پر اسلحے کی نمائش اور اہلِ تشیع کے خلاف اشتعال انگیز بیانات کے الزامات نے علاقے میں تشویش کی لہر دوڑا دی۔
عوامی حلقوں کا کہنا ہے کہ گلگت بلتستان اپنی پرامن فضا اور خوبصورت وادیوں کے باعث ملک بھر میں منفرد مقام رکھتا ہے، تاہم کسی بھی فرد کی جانب سے مذہبی منافرت یا فرقہ وارانہ اشتعال انگیزی کی کوشش علاقے کے امن کے لیے خطرہ بن سکتی ہے۔
شہریوں اور سماجی حلقوں نے ریاستی اداروں سے مطالبہ کیا ہے کہ سوشل میڈیا پر سامنے آنے والی مبینہ اسلحہ نمائش اور اشتعال انگیز مواد کا فوری نوٹس لے کر قانون کے مطابق کارروائی کی جائے۔
یہ بھی پڑھیں : سانحہ ترلائی اسلام آباد: شہید ملک عون عباس کو نشانِ امتیاز سے نواز دیا گیا
عوامی مطالبہ ہے کہ کسی بھی کالعدم تنظیم کو نام یا پلیٹ فارم تبدیل کرکے سرگرم رہنے کی اجازت نہ دی جائے اور قانون کی خلاف ورزی کرنے والے عناصر کے خلاف بلاامتیاز کارروائی کی جائے، تاکہ گلگت بلتستان میں امن، مذہبی ہم آہنگی اور بھائی چارے کی فضا برقرار رکھی جا سکے۔
The post گلگت بلتستان ؛ سپاہ صحابہ کی فرقہ وارانہ سرگرمیوں پر تشویش، ریاستی اداروں سے فوری کارروائی کا مطالبہ appeared first on شیعہ نیوز پاکستان.
