شیعہ نیوز: برطانیہ کے گارڈین اخبار نے بدھ کی رات کو شایع ہونے والی خبر میں بتایا ہے کہ امریکی طیارہ بردار جہاز ابراہام لنکن گزشتہ 250 دنوں سے لگاتار سمندروں میں ہے جس کے نتیجے میں اس پر موجود فوجیوں کی ذہنی صورت حال بگڑتی جا رہی ہے۔
گارڈین کی رپورٹ کے مطابق ابراہام لنکن کا عملہ 9 مہینے سے سمندر میں ہے جس کے نتیجے میں اس جہاز پر موجود ملاحوں کی نفسیاتی حالت بگڑتی جا رہی ہے۔
بتایا گیا ہے کہ ان امریکی فوجیوں کے اہل خانہ اور کانگریس کے ارکان نے اس معاملے پر شدید تشویش ظاہر کی ہے۔
“نیوی ٹائمز” اور “اسٹارز اینڈ شپس” فوجی امور سے مخصوص امریکی جریدوں نے بھی رپورٹ دی ہے کہ لنکن ایئڑکرافٹ کیریئر پر موجود فوجیوں کی نفسیاتی صورت حال بحرانی ہو چکی ہے یہاں تک کہ درجنوں ملاحوں نے پانی میں کود کر خودکشی کرنے کی کوشش کی ہے۔
یہ بھی پڑھیں : اسرائیلی رجیم رہائشی علاقوں پر بمباری کرکے مفاہمت کی خلاف ورزی کر رہی ہے، لبنانی فوج
ایک فوجی نے اپنی بیوی کو مسیج کیا ہے کہ:” خدا کرے میں کل صبح اٹھوں ہی نہیں!”
اینابیل لوما نام کی ایک خاتون نے بتایا ہے ابراہام لنکن کے مشن کی تاریخ بڑھائے جانے کے بعد ان کے شوہر نے اس طیارہ بردار جہاز سے سمندر میں چھلانگ لگا کر خودکشی کرنے کی کوشش کی تھی۔
امریکی کانگریس میں ریاست کیلی فورنیا کے نمائندے مائيک لیون نے صورت حال کے بارے میں انتباہ دیتے ہوئے لکھا ہے:” ابراہام لنکن میں کیفیت یہ ہے کہ شاوروں میں پھپوند لگی ہوئی ہے، ٹائلٹ قابل استعمال نہیں، فوجی کئی ہفتوں تک گندے کپڑے پہننے پر مجبور ہوچکے ہیں، گرم پانی، صابن اور ٹوتھ پیسٹ کی قلت ہے اور کھانا آدھا کپ چاول اور دو عدد سوکھی روٹی پر مشتمل ہے۔
امریکی فوج کے سابق کمانڈو اور کانگریس میں ریاست کالوراڈو کے نمائندے نے انتباہ دیا ہے کہ فوجیوں اور ان کے گھروالوں پر ہفتے کے حساب سے دباؤ بڑھتا جا رہا ہے۔
یاد رہے کہ ابراہام لنکن جہاز 21 نومبر سن 2025 کو سین ڈیئیگو نیول بیس سے نکلا تھا اور طے تھا کہ بحرالکاہل میں تعینات ہوگا لیکن ایران پر امریکہ اور اسرائیل کے حملے کے بعد، اسے مغربی ایشیا کی جانب روانہ کردیا گیا اور یہ جہاز اس وقت سے بحر ہند میں کھڑا ہوا ہے۔
The post امریکی طیارہ بردار بحری جہاز کے ملاحوں پر نفسیاتی دباؤ بڑھتا جا رہا ہے، خودکشی کی کوشش، برطانوی اخبار گارڈین appeared first on شیعہ نیوز پاکستان.
