شیعہ نیوز: رہبرِ انقلابِ اسلامی حضرت آیت اللہ سید مجتبیٰ حسینی خامنہ ای نے رسولِ خدا کی ولادت کے موقع پر عدلیہ کے سربراہ کی جانب سے پیش کی گئی درخواست کے جواب میں 2500 سے زائد سزا یافتہ افراد کی سزاؤں میں معافی اور تخفیف کی منظوری دے دی۔
رپورٹ کے مطابق حضرت ختمی مرتبت محمد مصطفیٰؐ اور امام جعفر صادقؑ کی ولادتِ باسعادت کے ایام کے موقع پر عدلیہ کے سربراہ نے رہبرِ انقلابِ اسلامی کو ایک خط ارسال کیا تھا، جس میں عدالتوں، مسلح افواج کی عدالتی تنظیم اور حکومتی تعزیراتی ادارے کے تحت سزا پانے والے 2577 افراد کی سزاؤں میں معافی، تخفیف یا تبدیلی کی درخواست کی گئی تھی۔
یہ بھی پڑھیں : اردن میں امریکی فوجی اڈے پر ایرانی حملوں کی شدت کا انکشاف
رہبرِ انقلابِ اسلامی حضرت آیت اللہ سیدمجتبیٰ حسینی خامنہای نے اس معاملے میں فیصلہ کرنے کا اختیار عدلیہ کے سربراہ کو سونپ دیا۔
اس کے بعد چیف جسٹس حجت الاسلام والمسلمین محسن اژهای نے ضروری جائزے اور تحقیقات مکمل کرنے کے بعد ان سزا یافتہ افراد کی سزاؤں میں معافی، تخفیف اور تبدیلی پر عمل درآمد کا حکم جاری کر دیا ہے۔
The post رہبرِ انقلاب کی جانب سے ولادتِ رسولِ خدا کے موقع پر 2500 سے زائد قیدیوں کی سزاؤں میں معافی اور تخفیف appeared first on شیعہ نیوز پاکستان.
