شیعہ نیوز: وزارت خارجہ کے شعبہ قوانین وپارلیمانی امور کے ڈائریکٹر جنرل نے آبنائے ہرمز کے بارے میں، ٹرمپ کے تازہ دعوؤں کو اس اسٹریٹیجک آبی گزرگاہ پر ایران کے محکم کنٹرول پران کی کھسیاہٹ کا غماز قرار دیا ہے۔
تہران – ارنا – ایران کے خلاف اقتصادی دھمکیوں میں شدت، ٹرمپ کی تازہ ہرزہ سرائی اور آبنائے ہرمز کے کے بارے ميں ان کے دعوے نے ایک بار پھر اس اسٹریٹیجک آبی گزرگاہ کی حیثیت اورایران پر دباؤ بڑھانے کی امریکی کوششوں پر عالمی رائے عامہ کی توجہ مرکوز کردی ہے۔
یہ بھی پڑھیں : انصاراللہ کی امریکی و صیہونی سازشوں کو ناکام بنانے میں حزب اللہ کے بنیادی کردار کی قدردانی
امریکی صدرنے آبنائےہرمز پر اپنے کنٹرول کا دعویٰ کرتے ہوئے ایران پر اقتصادی دباؤ بڑھانے اور اس پر کاری وارلگانے کی دھمکی دی ہے۔ اسی کے ساتھ امریکی وزیرخزانہ نے ایران کے اقتصادی بائیکاٹ کے ایسے اقدامات کی دھمکی دی ہے جو بقول ان کے بے نظیر ہوں گے۔
ان حالات میں ایرانی وزارت خارجہ کے شعبہ قوانین وپارلیمانی امور کے ڈائریکٹر جنرل حسین نوش آبادی نے ارنا کے ساتھ گفتگو میں آبنائے ہرمز کے بارے میں ٹرمپ کے دعوؤں کو ایران کے محکم کنٹرول پران کی کھسیاہٹ اورشرمسارانہ ردعمل قرار دیا ہے۔
انھوں نے آبنائے ہرمز کے تعلق سے ٹرمپ کے مضحکہ خیز دعوے کو “بلی کے خواب میں چھیچھڑے” قرار دیتے ہوئے کہا کہ ٹرمپ نے دعویٰ کیا ہے کہ وہ بہت جلد اعلان کرنا چاہتے ہیں کہ آبنائے ہرمز امریکی قلمرو کا حصہ ہے۔ یہ امریکی صدر کی خام خیالی اور ناکام آرزو ہے۔
The post آبنائے ہرمز پر ایران کے محکم کنٹرول نے امریکہ کے سارے اندازے غلط ثابت کردیئے appeared first on شیعہ نیوز پاکستان.
